Netflix គ្រោងចាយប្រាក់ ២.៥ពាន់លានដុល្លារ លើវិស័យភាពយន្តកូរ៉េ

នៅក្នុងសន្និសីទសារព័ត៌មានមួយ សហនាយកប្រតិបត្តិក្រុមហ៊ុន Netflix លោក Ted Sarandos បានបង្ហាញផែនការវិនិយោគរបស់ខ្លួនលើវិស័យភាពយន្តកូរ៉េខាងត្បូង នៅក្នុងរយៈពេល ៤ឆ្នាំខាងមុខ ដែលវានឹងចាយប្រាក់អស់រាប់ពាន់លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកាសនូវគម្រោងធំរបស់ក្រុម Netflix ​​ត្រូវ​បាន​ធ្វើ​ឡើង​ក្នុង​អំឡុង​ពេល​សន្និសីទ​សារព័ត៌មាន​​ក្នុង​ទីក្រុង​សេអ៊ូល ដោយ​​ក្រុមហ៊ុន​ស្ទ្រីម​យក្សមួយនេះ ​គ្រោងនឹងចំណាយប្រាក់ជាងពីរពាន់ដុល្លារសម្រាប់ផលិតភាពយន្តកូរ៉េ និងដើម្បីបង្កើនទំនុកចិត្តដល់សមាជិករបស់ Netflix នៅទូទាំងពិភពលោក។

បន្ទាប់ពីមើលឃើញពីការរីកចម្រើននៃវិស័យភាពយន្តកូរ៉េ និងដោយមើលឃើញថា ភាពយន្តកូរ៉េជាច្រើនរឿងទទួលជោគជ័យជាបន្តបន្ទាប់ដូចជា Squid Game, All of Us Are Dead និង The Glory ជាដើម ដូច្នេះ Netflix ប្ដេជ្ញាបន្ថែមប្រាក់វិនិយោគសម្រាប់បង្កើតមាតិកាភាពយន្តកូរ៉េឱ្យកាន់តែសម្បូរបែប ​និងគុណភាពខ្ពស់ ខណៈប្រាក់ចំណាយសម្រាប់ឆ្នាំ២០២៤-២០២៨ នឹងឡើងដល់ ២.៥ពាន់លានដុល្លារអាមេរិក៕

ប្រែសម្រួល៖ សន្យា

ចុចអាន៖ ទម្លាយតម្លៃគ្រឿងអលង្ការរាប់សែនដុល្លារ ដែល ​Lisa ពាក់បង្អួតទស្សនិកជនថ្ងៃមុន