កីឡា

កីឡាករ៧៦នាក់ ចូលរួមប្រកួតកីឡាវ៉ូវីណាម ជ្រើសរើសជើងឯកថ្នាក់ជាតិ២០២០

បានផុស

៥ years មុន

នៅ

ថ្ងៃពុធ ២៧ មករា ២០២១

ដោយ

ក្រោយពីបញ្ចប់ការបណ្តុះបណ្តាលចៅក្រម អាជ្ញាកណ្តាលកម្រិត “ ក ” សហព័ន្ធកីឡាវ៉ូវីណាមកម្ពុជា នារសៀលថ្ងៃទី២៧ ខែមករា ឆ្នាំ២០២១នេះ បានបើកការប្រកួតកីឡាវ៉ូវីណាមជ្រើសរើសជើងឯកថ្នាក់ជាតិប្រចាំ ឆ្នាំ២០២០ហើយ ដែលមានរយៈ៣ថ្ងៃនៅសាលហ្វឹកហាត់បាល់បោះរបស់មជ្ឈមណ្ឌលជាតិហ្វឹកហ្វឺនកីឡា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូ រតនា អគ្គលេខាធិការសហព័ន្ធបានប្រាប់ឲ្យដឹងថា ការប្រកួតកីឡាវ៉ូវីណាមជ្រើសរើសជើងឯកថ្នាក់ជាតិ២០២០ ក្រោមការផ្តល់ថវិកាគាំទ្ររបស់ក្រសួងអប់រំយុវជន និងកីឡា ដែលប្រព្រឹត្តិទៅចាប់ពីថ្ងៃទី២៧ ដល់ ២៩ ខែមករា ឆ្នាំ២០២១ នៅសាលហ្វឹកហាត់បាល់បោះរបស់មជ្ឈមណ្ឌលជាតិហ្វឹកហ្វឺនកីឡា។

ការប្រកួតឆ្នាំនេះ សហព័ន្ធសម្រេចដាក់ ១៧ វិញ្ញាសា ក្នុងនោះវិញ្ញាសាប្រយុទ្ធមានចំនួន៩ ប្រភេទទម្ងន់ និងវិញ្ញាសាសម្តែងមេគុនមានចំនួន៨។ លោកបានបន្តថា ចំពោះកីឡាករ-កីឡា ការិនីចូលរួមមានចំនួន៧៦ នាក់ ក្នុងនោះកីឡាករចំនួន៤៨ និងកីឡាការិនី២៨នាក់មកពី១២ក្លិបនិងសមាគម៕