ព័ត៌មានជាតិ

សម្ដេច ម៉ែន សំអន៖ គួរអភិរក្សវប្បធម៌ខ្មែរឱ្យគង់វង្ស ជាជាងចម្លងពីបរទេស

បានផុស

៣ years មុន

នៅ

ថ្ងៃព្រហស្បតិ៍ ២៧ កក្កដា ២០២៣

ដោយ

សម្ដេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា បានលើកឡើងថា ក្នុងនាមជាពលរដ្ឋខ្មែរគួរតែនាំគ្នាអភិរក្សវប្បធម៌ ប្រពៃណីជាតិឱ្យបានគង់វង្សជាជាងទៅចម្លងវប្បធម៌បរទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេច ម៉ែន សំអន ក្នុងពីធីជួបសំណេះសំណាលជាមួយមន្ត្រីរាជការ លោកគ្រូអ្នកគ្រូ និងសិស្សានុសិស្សនៃសាលាមធ្យមសិក្សាវិចិត្រសិល្បៈ និងទស្សនាការសម្ដែងសិល្បៈ នាថ្ងៃទី២៥ ខែកក្កដា បានមានប្រសាសន៍ថា ការអភិវឌ្ឍវប្បធម៌ គឺជាការអភិវឌ្ឍធនធានមនុស្ស ព្រោះការអភិវឌ្ឍប្រភពកម្លាំងមនុស្ស ក៏ជាដើមកំណើតនៃការបង្កើតវប្បធម៌ផងដែរ។

សម្តេច ម៉ែន សំអន សង្កត់ធ្ងន់ថា «យើងត្រូវចងចាំថា ដើម្បីមានវប្បធម៌ គឺយើងត្រូវអប់រំប្រពៃណីដល់យុវជនជំនាន់ក្រោយ និងត្រូវរួមគ្នាអភិរក្សវប្បធម៌ ប្រពៃណីជាតិឱ្យបានគង់វង្ស ជាជាងចម្លងវប្បធម៌បរទេស»។

សម្តេច ម៉ែន សំអន ក៏បានកោតសរសើរដល់លោកគ្រូ អ្នកគ្រូ ក៏ដូចជានាយកសាលា ដែលបានយកចិត្តទុកដាក់បណ្ដុះបណ្ដាលដល់សិស្សានុសិស្សជំនាន់ក្រោយ ជាទំពាំងស្នងឫស្សីប្រកបដោយចំណេះជំនាញនិងបទពិសោធន៍ ដើម្បីចូលរួមចំណែកក្នុងការអភិវឌ្ឍប្រទេសជាតិ៕