ព័ត៌មានជាតិ

ម៉ោង ១ រំលងអាធ្រាត្យ ឆេះឃ្លាំងតម្លៃរាប់ម៉ឺនដុល្លារនៅទួលស្វាយព្រៃ រាលដាលឆេះផ្ទះពីរល្វែងថែមទៀត

បានផុស

៣ years មុន

នៅ

ថ្ងៃសុក្រ ២៩ មករា ២០២១

ដោយ

អគ្គិភ័យបានឆាបឆេះអស់គ្មានសល់ ឃ្លាំងស្តុកទំនិញមួយកន្លែងហើយក៏បន្តឆេះរាលដាលដល់ផ្ទះប្រជាពលរដ្ឋនៅក្បែរនោះថែមទៀតកាលពីវេលាម៉ោង ១ រំលងអាធ្រាត្រ ឈានចូលថ្ងៃទី២៩ ខែមករា ឆ្នាំ២០២១។ទីតាំងឃ្លាំងខាងលើ ស្ថិតនៅតាម បណ្ដោយផ្លូវ៣៥៨ ភូមិ៤ សង្កាត់ទួលស្វាយព្រៃ១ ខណ្ឌបឹងកេងកងរាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋរស់នៅក្បែរកន្លែងកើតហេតុ បានឱ្យដឹងថា មុនពេលកើតហេតុ ពួកគាត់បានឮសំឡេងផ្ទុះ ចេញពីឃ្លាំងខាងលើ ហើយស្រាប់តែមានផ្សែងនិងអណ្ដាតភ្លើងឆេះ សន្ធោសន្ធៅឡើង ផ្អើលដល់បងប្អូនប្រជាពលរដ្ឋ ក៏ដូចជាសមត្ថកិច្ចមូលដ្ឋាន និង ខាងរថយន្តពន្លត់អគ្គីភ័យ គ្រប់អង្គភាព ចេញអន្តរាគមន៍ បាញ់ពន្លត់យ៉ាងញាប់ដៃញាប់ជើង តែភ្លើងនៅតែបន្តឆេះរាល់ដាលទៅដល់បងប្អូនប្រជាពលរដ្ឋដែលនៅជាប់នោះអស់ចំនួន២ល្វែងបន្តទៀត។

ទោះជាយ៉ាងណា កម្លាំងពន្លត់អគ្គីភ័យ នៅតែបន្តបាញ់ពន្លត់ ដោយប្រើប្រាស់រថយន្ត មកពីអង្គភាពផ្សេងៗគ្នា សរុប៤៥គ្រឿង សហការគ្នាបាញ់ពន្លត់ និងមិនទាន់សន្និដ្ឋានមូលហេតុនៃអគ្គិភ័យនេះនៅឡើយ៕