ជីវិតកម្សាន្ដ
ករណី ស៊ឹម ថៃណា ប្រធានសមាគមអះអាងថា បើបុគ្គលនោះមិនសុំទោស នឹងស្នើសុំជំនួយផ្នែកច្បាប់
ជុំវិញករណីតារាចម្រៀង ស៊ឹម ថៃណា រងការជេរប្រមាថធ្ងន់ៗ ពីសំណាក់បុគ្គលម្នាក់ ត្រូវប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានចេញមកអះអាងដោយបញ្ជាក់ថា បើបុគ្គលនោះមិនមកសុំទោស ថៃណា ទេ នោះអ្នកនាងនឹងស្នើទៅក្រសួងកិច្ចការនារី ដើម្បីសុំជំនួយផ្នែកច្បាប់។
ប្រធានសមាគមសិល្បករខ្មែររូបនេះ ក៏បានលើកឡើងថា «កាលពីយប់ថ្ងៃអាទិត្យកន្លងទៅ តារាចម្រៀង ស៊ឹម ថៃណា ត្រូវបានបុរសម្នាក់ជេរប្រទេច ខណៈដែលគាត់កំពុងតែបំពេញការងារ (ច្រៀង) នៅឯភោជនីយដ្ឋានមួយកន្លែង»។ អ្នកនាងថា «នាងខ្ញុំ បានខលទៅប្អូនស្រី ដើម្បីសាកសួរព័ត៌មានជាក់លាក់ ហើយប្អូនស្រីក៏បានសំណូមពរឲ្យបុគ្គលរូបនោះ គឺមកសុំទោសប្អូនស្រីនៅចំពោះមុខ(ជាលក្ខណៈ Private ក៏បាន) ដើម្បីបញ្ចប់ទង្វើមាក់ងាយស្ត្រីដែលពួកគាត់បំពេញការងារពេលយប់ បើទោះអាជីពណាក៏ដោយ»។
អ្នកនាង ចន ច័ន្ទលក្ខិណា បានសង្កត់ធ្ងន់ទៀតថា «បើបុគ្គលនោះមិនមកសុំទោសប្អូនស្រីទេ នាងខ្ញុំ និងប្អូនស្រី នឹងស្នើទៅក្រសួងកិច្ចការនារី ដើម្បីស្នើសុំជំនួយផ្នែកច្បាប់»។ ចំណែកលោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានបញ្ជាក់ដែរថា បន្ទាប់ពីរងការជេរប្រមាថសាមីខ្លួនកញ្ញា ស៊ឹម ថៃណា សំណូមពរឲ្យបុគ្គលរូបនោះចេញមកសុំទោសជាសាធារណៈ ដើម្បីបញ្ចប់ទង្វើមាក់ងាយស្ត្រីដែលបំពេញការងារពេលយប់ ទោះអាជីពណាក៏ដោយ និងជាគំរូល្អដល់បុគ្គលដទៃទៀត។
សូមជម្រាបថា តារាចម្រៀងកញ្ញា ស៊ឹម ថៃណា ថ្មីៗនេះ បង្ហាញអារម្មណ៍មិនសប្បាយចិត្ត រហូតចេញធ្វើការឡាយវីដេអូទាំងទឹកភ្នែកហូររហាម បន្ទាប់ពីនាងត្រូវបានរងការដៀលប្រមាថកិត្តិយសធ្ងន់ៗ ពីសំណាក់បុគ្គលស្រវឹងស្រាម្នាក់ នៅក្នុងហាងផឹកស៊ីមួយកន្លែង។
កញ្ញា ស៊ឹម ថៃណា បានបញ្ជាក់ថា «អ្នកធ្វើការពេលរាត្រីមិនមែនសុទ្ធតែសំផឹងទេ»។ ស៊ឹម ថៃណា បន្តទៀតថា «មិនថាឡើយអ្នកធ្វើការក្នុងហាងរាត្រី បុគ្គលិករត់តុ បុគ្គលិកណែនាំភ្ញៀវ អ្នកចម្រៀង , DJ ចាក់បទចម្រៀង ឬ នារីប្រម៉ូតស្រាបៀ គឺមិនមែនជាស្រីសំផឹងទេ ដោយពួកគាត់សុទ្ធតែមានតម្លៃរបស់ពួកគាត់រៀងៗខ្លួន មិនសមណាអ្នកត្រូវជនអគតិនិយាយប្រមាថទាំងជាតិស្រាចូលខ្លួន ឬមានចេតនាអាក្រក់បែបនេះសោះ»៕
អត្ថបទ ៖ ចាន់រ៉ា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ