ចន ច័ន្ទលក្ខិណា ស្នើក្រសួងពិនិត្យសុជីវធម៌នាដការីរបាំ ដែលបញ្ចេញមតិមិនសមរម្យលើ G-Devith និង ទេព បូព្រឹក្ស

អតីតប្រធានសមាគមសិល្បករខ្មែរ និងជារៀមច្បងសិល្ប:អ្នកនាង ចន ច័ន្ទលក្ខិណា បានចេញមុខស្នើដល់ក្រសួងវប្បធម៌ និងវិចិត្រសិល្ប: គួរពិនិត្យសុជីវធម៌នាដការីមួយចំនួនតូច ដែលបាននិយាយប៉ះពាល់ជុំវិញរឿងរ៉ាវរបស់តារាចម្រៀងលោក ជី ដេវីត និងអ្នកនាង ទេព បូព្រឹក្ស ដែលបានកើតឡើងថ្មីៗនេះ។

ការចេញមុខរបស់អ្នកនាង ចន ច័ន្ទលក្ខិណា នាពេលនេះគឺស្របពេលដែលកំពុងផ្ទុះរឿងរ៉ាងរបស់តារាចម្រៀងលោក ជី ដេវីត និងអ្នកនាង ទេព បូព្រឹក្ស ដែលត្រូវគេរិះគន់និងចោទប្រកាន់ថា អ្នកទាំងពីរបានយកវប្បធម៌ខ្មែរទៅបង្ហាញ​លើ​ឆាកក្នុងការសម្តែង ដើម្បីចង់បានផលប្រយោជន៍ផ្ទាល់ខ្លួន។

បន្ទាប់ពីផ្ទុះនូវរឿងរ៉ាវខាងលើនេះ ភ្លាមៗនោះអ្នកនាង ទេព បូព្រឹក្យ និងលោក ជី ដេវីត ក៏បានបង្ហោះសារដោយបង្ហាញការខកចិត្តជាខ្លាំង ខណ: ទេព បូព្រឹក្ស បានសរសេរសំណេរខ្លីថា នាងគួរបញ្ឈប់នាពេលនេះឬយ៉ាងណា? យ៉ាងណាមិញ គេឃើញការបញ្ចេញមតិពីនាដការបាំមួយចំនួនតូចផងដែរ ក៏បានបញ្ចេញមតិប្រើពាក្យមិនសមរម្យចំពោះអ្នកនាង ទេព បូព្រឹក្ស និងលោក ជី ដេវីត ។

ងាកមកចាប់អារម្មណ៍អ្នកនាង ចន ច័ន្ទលក្ខិណា ដែលជារៀមច្បងសិល្ប: ក្រៅពីការលើកទឹកចិត្តដល់អ្នកទាំងពីរ អ្នកនាងលើកឡើងថា កម្មវិធីលើកស្ទួយវប្បធម៌ម្តងៗ គ្នាចំណាយលុយម្តងរាប់សែនដុល្លារសិល្បករសិល្បការនីផ្នែកបុរាណមួយចំនួនធំ ក៏បានចំណូលខ្លះពីគាត់ទាំងពីរដែរនាដការរបាំខ្លះសម្តែងយកលុយពីគាត់ ហើយវាយប្រហារគាត់ទៀត។

អតីតប្រធានសមាគមសិល្បករខ្មែរ បានបន្ថែមថា មន្ត្រីពាក់ព័ន្ធ ក្រសួងវប្បធម៌ និងវិចិត្រសិល្ប:គួរពិនិត្យសុ ជីវធម៌របស់នាដការីមួយចំនួនតូចផងកុំដោយសារកា រអន់សីលធម៌សុជីវធម៌របស់បុគ្គលនាដការីម្នាក់ធ្វើឱ្យអ្នកខំលើកស្ទួយសិល្បៈវប្បធម៌បាក់ទឹកចិត្ត។ ទន្ទឹមគ្នានេះក៏មានមហាជន អ្នកគាំទ្រ និង មិត្តក្នុងសិល្បៈជាច្រើនបានលើកទឹកចិត្តដល់អ្នកនាង និងស្វាមីឱ្យបន្តលើកស្ទួយវិស័យខាងលើទៀតផងទៀតដែរ៕ ដោយ: ចាន់រ៉ា