ការបាញ់ប្រហារនៅផ្សារទំនើបកណ្ដាលក្រុង បាងកក ម្សិលមិញ តារាស្រី Bella ក៏នៅក្នុងហេតុការណ៍ដែរ

នៅក្នុងហេតុការណ៍បាញ់ប្រហារនៅឯផ្សារទំនើប Siam Paragon កណ្ដាលទីក្រុងបាងកក កាលពីល្ងាចថ្ងៃអង្គារ តារាសម្ដែង Bella Ranee ក៏មានវត្តមាននៅទីតាំងកើតហេតុដែរ តែបើតាមការបញ្ជាក់ពីសាមីខ្លួន តារាស្រីរូបនេះពុំបានរងគ្រោះថ្នាក់អ្វីនោះទេ។

ក្រោយហេតុការណ៍បាញ់ប្រហារនៅចំកណ្ដាលក្រុង ដែលបង្កឡើងដោយក្មេងជំទង់វ័យ ១៤ឆ្នាំ មនុស្ស ៣នាក់បានស្លាប់ និង ៥នាក់បានរងរបួរ ខណៈមនុស្សរាប់រយបានជម្លៀសចេញពីផ្សារ។ ក្នុងចំណោមអ្នកជម្លៀសចេញពីផ្សាររាប់រយនាក់ ក៏មានវត្តមានតារាសម្ដែងជួរមុខ Bella Ranee ផងដែរ ដែលនាងបានរួចផុតពីគ្រោះថ្នាក់ ពុំមានរងរបួស ឬខូចខាតរបស់របរអ្វីឡើយ។

តាមរយៈសារ​បង្ហោះ​​តាម​បណ្ដាញ​សង្គម Instagram តួឯកស្រីរឿង “បុព្វេសន្និវាស” បានប្រាប់ពី​សុវត្ថិភាពរបស់ខ្លួន និង​ចូលរួមរំលែកទុក្ខដ៏ក្រៀមក្រំទៅកាន់គ្រួរសារជនរងគ្រោះទាំងអស់​។ នាងបានសរសេរថា “ពេលនេះ Bella មានសុវត្ថិភាពហើយ ក្រោយចាកចេញពី Paragon Hall ។ សូមថ្លែងអំណរគុណដល់បងប្អូនទាំងអស់គ្នាដែលបារម្ភសុខទុក្ខ។ ប៉ុន្តែលើសពីនេះទៅទៀត Balla សូមចូលរួមរំលែកទុក្ខដល់ក្រុមគ្រួសារនៃសព ហើយសូមចូលរួមកាន់ទុក្ខដល់អ្នកស្លាប់ទាំង ៣ នាក់ រួម​ទាំង​​ផ្ញើ​សារ​លើក​ទឹក​ចិត្ត​ដល់​អ្នករង​របួស សូមជូនពរ​អ្នក​រាល់​គ្នា​មាន​សុវត្ថិភាព” ៕

ប្រែសម្រួល៖ សន្យា

ចុចអាន៖ តារាថៃច្រើនរូប ចូលរួមរំលែកទុក្ខហេតុការណ៍បាញ់​ប្រហារនៅផ្សារទំនើបកណ្ដាលក្រុងបាងកក

ចុចអាន៖ ល្បីថា Bella កំពុងណាត់ជួបជាមួយម្ចាស់សណ្ឋាគារលំដាប់ប្រទេស