ល្បីថា Bella កំពុងណាត់ជួបជាមួយម្ចាស់សណ្ឋាគារលំដាប់ប្រទេស

ក្រោយទំនេរបេះដូងជាងពីរឆ្នាំ តារាសម្ដែង Bella Ranee តែងតែត្រូវទស្សនិកជនតានផ្គូរផ្គងជាមួយបុរសជាច្រើន រួមទាំងសេដ្ឋីឡាវ តារាសម្ដែងរួមជំនាន់ ហើយថ្មីៗនេះលេចឮថា នាងកំពុងណាត់ជាមួយសេដ្ឋីជំនួញមួយរូបដែលជា​ម្ចាស់សណ្ឋាគារលំដាប់ប្រទេស។

ដោយសារពាក្យចចាមអារ៉ាមបន្តផ្សព្វផ្សាយនៅក្នុងរង្វង់សិល្បៈយ៉ាងផុសផុល ទើបបានជា Bella បានចេញមុខផ្ដល់បទសម្ភាសន៍ ដើម្បីស្រាយចម្ងល់គ្រប់គ្នា ជាពិសេសអ្នកគាំទ្ររបស់នាង។

ថ្លែងនៅក្នុងបទសម្ភាសន៍ Bella និយាយទាំងហួសចិត្តថា ព័ត៌មានលួចលាក់ណាត់ជួបជាមួយម្ចាស់សណ្ឋាគារនៅក្នុងសង្គមអភិជន មិនមែនជារឿងពិតនោះទេ។ នាងបានបញ្ជាក់យ៉ាងច្បាស់ទៀតថា ពេលនេះសុំទុកបេះដូងឱ្យទំនេរសិន មិនទាន់ចង់គិតរកគូស្រករឡើយ ព្រោះនាងមមាញឹកខ្លាំងជាមួយការងារ៕

ប្រែសម្រួល៖ សន្យា

ចុចអាន៖ រូបភាព Jisoo ក្នុងភាពយន្តថ្មី ទទួលបានការពេញចិត្តពីអ្នកគាំទ្រ