កង់តម្លៃ ១៥,០០០ ដុល្លារត្រូវគេទុកចោលនៅសិង្ហបុរី តែមិនបាត់

អ្នកទេសចរជនជាតិអាមេរិកម្នាក់បានបង្ហោះរូបកង់តម្លៃ ១៥,០០០ ដុល្លារដែលត្រូវគេទុកចោលតាមផ្លូវនៅក្នុងប្រទេសសិង្ហបុរីលើបណ្ដាញសង្គម X ហើយទទួលបានការចាប់អារម្មណ៍ពីមនុស្សជាង ១ លាននាក់ឯណោះ ។

លោក Nick Whitaker បានបង្ហោះរូបកង់នោះជាមួយចំណងជើងថា “នឹកស្មានមិនដល់ចំពោះវប្បធម៌សិង្ហបុរី ទោះកង់តម្លៃ ១៥,០០០ ដុល្លារត្រូវគេទុកចោលក៏មិនបាត់” ។

មនុស្សជាច្រើនបានចូលទៅសរសើរពីសុវត្ថិភាពប្រទេសសិង្ហបុរី ដែលជាគោលដៅទេសចរមួយកន្លែងមានអត្រាឧក្រិដ្ឋកម្មទាប ។ អ្នកប្រើ X ម្នាក់ឈ្មោះ Saps បានសរសេរថា “ខ្ញុំធ្លាប់ឃើញមនុស្សប្រើទូរស័ព្ទ iPhone ដាក់លើតុអាហារដើម្បីចាប់កន្លែងអង្គុយ ដូច្នេះវាជារឿងធម្មតាទេដែលគេទុកកង់ចោល ហើយមិនបាត់នោះ” ។

ជាការពិតណាស់ ឧក្រិដ្ឋកម្មគឺស្ទើរតែមិនមានឡើយនៅក្នុងប្រទេសសិង្ហបុរី ជាក់ស្ដែងអំពើចោរប្លន់ដូចជា ការឆក់កាបូប ការលួចតាមទីសាធារណៈ ជាពិសេសការបើអំពើហិង្សា គឺកាន់តែកម្រទៅទៀត ៕

ប្រែសម្រួល៖ វារី

ប្រភព៖ vnexpress

ចុចអាន៖ កង់តម្លៃ ១៥,០០០ ដុល្លារត្រូវគេទុកចោលនៅសិង្ហបុរី មហាជននាំគ្នាសរសើរសុវត្ថិភាពក្នុងប្រទេស