ព័ត៌មានជាតិ
បេក្ខជននិទ្ទេស A ក្រីក្រលំបាកនឹងបានកញ្ចប់ថវិកា រៀនសូត្រ ស្នាក់នៅ និងហូបចុកបួនឆ្នាំពេញពីវិទ្យាស្ថានពាណិជ្ជសាស្ត្រអេស៊ីលីដា
បេក្ខជនជាប់និទ្ទេស A ក្រីក្រលំបាកនឹងបានកញ្ចប់ថវិកា រៀនសូត្រ ស្នាក់នៅ និងហូបចុកបួនឆ្នាំពេញពីវិទ្យាស្ថានពាណិជ្ជសាស្ត្រអេស៊ីលីដា។ នេះបើតាមប្រសាសន៍លោកបណ្ឌិត ផុន ណារិន នាយកវិទ្យាស្ថានពាណិជ្ជសាស្ត្រ ក្នុងឱកាសផ្តល់អាហារូបករណ៍១០០% ដល់សិស្សទទួលបាននិទ្ទេស “A” នាថ្ងៃព្រហស្បតិ៍ ទី៧ ខែធ្នូ ឆ្នាំ២០២៣។
លោកបណ្ឌិត ផុន ណារិន នាយកវិទ្យាស្ថានបានថ្លែងថា ការផ្ដល់អាហារូបករណ៍១០០% ដល់សិស្សមកចុះឈ្មោះចូលរៀងនៅវិទ្យាស្ថាន ពាណិជ្ជសាស្ត្រ អេស៊ីលីដា ចំនួន៩៨នាក់ ខណៈពេលនេះគឺបានចំនួន៦០នាក់ហើយ ជាពិសេសទៅទៀតសិស្សដែលមានប័ណ្ណក្រីក្រ និងទទួលបានការកញ្ចប់ថវិកា សម្រាប់រៀនសូត្រ ស្នាក់នៅ និងហូបចុក រយៈពេល៤ឆ្នាំពេញ។
លោកបន្តថា វិទ្យាស្ថានពាណិជ្ជសាស្ត្រអេស៊ីលីដា កម្មវិធីសិក្សា ស្តង់ដារអន្តរជាតិ ដោយមានគ្រូមកពីបរទេស និងខ្មែរ និងមានការសហការជាមួយសកលវិទ្យាល័យមកពីសហរដ្ឋអាមេរិក។ ជាមួយគ្នានោះផងដែរសាលាក៏មានជួយរកការងារឱ្យនិស្សិតធ្វើផងដែរ។
ជាមួយគ្នានោះផងដែរ មាតាបិតា សិស្សដែលបានចូលរួមក្នុងពិធីប្រកាសផ្តល់អាហារូបករណ៍បានថ្លែងអំណរអរគុណដល់វិទ្យាស្ថាន ដែលបានផ្ដល់អាហារូបករណ៍ដល់សិស្សនិទ្ទេសA នាពេលនេះ។
ដោយឡែកសិស្សនិទ្ទេសA ដែលបានចូលរួមសូមអរគុណយ៉ាងជ្រាវជ្រៅទៅដល់វិទ្យាស្ថាន ពាណិជ្ជសាស្ត្រ អេស៊ីលីដា ដែលបានផ្ដល់អាហារូបករណ៍ដល់សិស្សនិទ្ទេសA ហើយនិងប្ដេជ្ញាថា នឹងខិតខំរៀនសូត្រឱ្យល្អក្លាយជាទំពាំងស្នងឫស្សីដល់សង្គមជាតិទាំងមូល៕
ដោយ ៖ សុខា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ