ព័ត៌មានជាតិ

១១ ខែនេះ រដ្ឋ ចំណាយថវិកាជាង ១៥,៨ ពាន់លានរៀល ដល់សមាជិក ប.ស.ស ជាស្ត្រីសម្រាលកូនជិត ៤ ម៉ឺននាក់

បានផុស

៣ years មុន

នៅ

ថ្ងៃសុក្រ ៨ ធ្នូ ២០២៣

ដោយ

យោងតាមរបាយការណ៍របស់នាយកដ្ឋានតាវកាលិកសន្តិសុខសង្គម នៃបេឡាជាតិសន្តិសុខសង្គម បានឱ្យដឹងថា ចាប់ពីខែមករា ដល់វិច្ឆិកា ឆ្នាំ ២០២៣ រាជរដ្ឋាភិបាល បានផ្តល់ប្រាក់ឧបត្ថម្ភបន្ថែមប្រមាណជាង ១៥,៨ ពាន់លានរៀល ដល់សមាជិក ប.ស.ស ជាស្ត្រីសម្រាលកូនសរុបចំនួន ៣៩ ៣៩២ នាក់ ដែលមានកូនសរុប ៣៩ ៦៧២ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះមានស្ត្រីសម្រាលបានកូនភ្លោះ ២ មានចំនួន ២៧១ នាក់ និងស្ត្រីសម្រាលបានកូនភ្លោះ ៣ មានចំនួន ៣ នាក់ ដោយស្ត្រីមានផ្ទៃពោះសម្រាលបានកូន ១ ទទួលបានប្រាក់ឧបត្ថម្ភ ៨០ ម៉ឺនរៀល កូនភ្លោះពីរទទួលបាន ១ លាន ២ សែនរៀល និងកូនភ្លោះបីទទួលបាន ១ លាន ៦ សែនរៀល និងទទួលបានការឧបត្ថម្ភពិសេសបន្ថែមពី សម្តេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ចំនួន ៥ លានរៀល ទៀតផងដែរ។

គួរបញ្ជាក់ថា ការបើកប្រាក់ឧបត្ថម្ភជូនដល់សមាជិក ប.ស.ស ជាស្ត្រីសម្រាលកូននេះ ធ្វើឡើងតាមរយៈបេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្ដុះបណ្ដាលវិជ្ជាជីវៈ៕

អត្ថបទ ៖ សំអឿន