ជីវិតកម្សាន្ដ

Mai Davika រំលេចឈុតពណ៌មាសយ៉ាងប្រណិតក្នុងព្រឹត្តិការណ៍ភាពយន្តលំដាប់ពិភពលោក

បានផុស

២ years មុន

នៅ

ថ្ងៃសៅរ៍ ៩ ធ្នូ ២០២៣

ដោយ

ជាឆ្នាំមាសសម្រាប់កំពូលតារាស្រីថៃ Mai Davika ព្រោះបន្ទាប់ពីបានចូលរួមកម្មវិធី Fashion នៅទីក្រុងឡុងដ៍កាលពីថ្ងៃមុន នាងបានធ្វើដំណើរទៅបង្ហាញខ្លួននៅមហោស្រពភាពយន្តសមុទ្រក្រហម (Red Sea Film Festival) នៅប្រទេសអារ៉ាប៊ីសាអូឌីត ដោយមិនបង្អង់យូរឡើយ។

នៅមហោស្រពភាពយន្តសមុទ្រក្រហមនៅប្រទេសអារ៉ាប៊ីសាអូឌីត តារាសម្ដែង Mai Davika បានរំលេចក្នុងឈុតពណ៌មាសដ៏ស្រស់ស្អាតពីម៉ាកយីហោដ៏ល្បី Oscar de la Renta ហើយនេះក៏ជាលើកទីមួយហើយដែលម៉ាកយីហោដ៏ល្បីមួយនេះបានរចនានិងច្នៃម៉ូដរ៉ូបសម្រាប់នាងផ្ទាល់តែម្ដង។

មិនត្រឹមប៉ុណ្ណឹងនោះទេបន្ទាប់ពីអ្នកគាំទ្របានឃើញឈុតដ៏ស្រស់សោភាដែលនាងស្លៀក ម្នាក់ៗបានចូលទៅបញ្ចេញមតិព្រោងព្រាតសុទ្ធតែន័យសរសើរ និងលើកពីរូបរាងរបស់នាងកាន់តែទាក់ទាញក្នុងព្រឹត្តិការណ៍ភាពយន្តលំដាប់ពិភពលោកមួយនេះ។

សូមបញ្ចាក់ដែរថា មហោស្រពភាពយន្តអន្តរជាតិ IFF សមុទ្រក្រហម ប្រព្រឹត្តទៅចាប់ពីថ្ងៃទី៣០ ខែវិច្ឆិកាដល់ថ្ងៃទី ០៩ ខែធ្នូ ឆ្នាំ ២០២៣ នៅទីក្រុង Jeddah ឆ្នេរខាងកើតនៃសមុទ្រក្រហម។ សម្រាប់មហោស្រពភាពយន្តចំនួន ១៤៣រឿងមកពី៦៦ប្រទេសត្រូវបានដាក់បង្ហាញដល់អ្នកចូលទស្សនាភាពយន្តចំនួន ៣៩ ៤១០នាក់ ក្នុងនោះក៏មានអ្នកជំនាញភាពយន្ត និងអ្នកសារព័ត៌មានជាង៤ពាន់នាក់ឯណោះ៕