ជីវិតកម្សាន្ដ

ខួបអាពាហ៍ពិពាហ៍ ៦ឆ្នាំ Margie ព្រលយសារមួយជាសាធារណៈ

បានផុស

២ years មុន

នៅ

ថ្ងៃសុក្រ ៨ ធ្នូ ២០២៣

ដោយ

ត្រឹមពេលមួយប៉ប្រិចប៉ុណ្ណោះ ជីវិតប្ដីប្រពន្ធរវាងតារារ៉េប Pok Patsarakorn និងតារាសម្ដែង Margie Rasri មានរយៈពេលជាង៦ឆ្នាំហើយ ខណៈដែលជីវិតគូនេះពេលខ្លះសប្បាយចិត្តនិងសោកសៅ ប៉ុន្តែអ្នកទាំងពីរនៅតែកាន់ដៃគ្នាយ៉ាងស្អិតរមួត។

កាលពីពេលថ្មីៗនេះ Margie បានចែករំលែកឃ្លិបរូបថតនៃពេលវេលាដ៏ល្អជាមួយស្វាមី Pok ដែលចូលមកដល់ជីវិតរបស់នាងអមជាមួយនឹង Caption ប្រាប់ពីអារម្មណ៍ចំពោះស្វាមីជាទីស្រលាញ់ថា “៦ឆ្នាំហើយ! ដែលខ្ញុំភ្ញាក់ពីគេងឃើញមុខបុរសម្នាក់នេះស្ទើរតែរាល់ព្រឹក។ យើងរៀបការបាន៦ឆ្នាំមានកូន២នាក់ ពួកយើងបានឆ្លងកាត់ច្រើនជាមួយគ្នា។ ខ្ញុំនៅតែចងចាំគ្រប់យ៉ាង គ្រប់ពេលវេលាដូចដែលវាបានកើតឡើងកាលពីម្សិលមិញ។ ជីវិតយើងនៅជាមួយគ្នាពោរពេញទៅដោយស្នាមញញឹម សំណើច និងអំរែកដ៏ធ្ងន់។ យើងតែងតែនិយាយជាមួយគ្នាជារៀងរហូត ប៉ុន្តែយើងមិនដឹងថាតើវានឹងមានរយៈពេលប៉ុន្មាន? ប៉ុន្មានថ្ងៃ ខែ ឆ្នាំ ចាំជួបគ្នាម្តងទៀត? ប៉ុន្តែពួកយើងនឹងប្រឹងអស់ពីសមត្ថភាពជារៀងរាល់ថ្ងៃ។ រីករាយខួបអាពាហ៍ពិពាហ៍របស់ពួកយើង”។

ទោះយ៉ាងណាចំណងស្នេហ៍របស់ Pok Patsarakorn និងតារាសម្ដែង Margie Rasri ក៏ធ្លាប់មានការរកាំរកូសកាលពីកន្លងដែរ។ ដែលកាលណោះលេចឮព័ត៍មានថា Pok មានស្រីក្មេងលួចលាក់នៅខាងក្រៅរហូតដល់ភាគីខាងស្រីបង្ហោះរូបភាពលុបពាក្យចចាមអារ៉ាមនោះចោលភ្លាមៗ៕