ព័ត៌មានអន្ដរជាតិ
តួកគី ចាប់ខ្លួនមនុស្សជាង៣០០នាក់ សង្ស័យជាប់ពាក់ព័ន្ធជាមួយក្រុម រដ្ឋឥស្លាម
ក្នុងប្រតិបត្តិការទូទាំង៣២ខេត្ត ប្រទេសតួកគីបានចាប់ខ្លួនមនុស្ស៣០៤នាក់ ពីបទសង្ស័យមានទំនាក់ទំនងជាក្រុមសកម្មប្រយុទ្ធរដ្ឋឥស្លាម។ នេះបើតាមការបញ្ជាក់ពីរដ្ឋមន្រ្តីក្រសួងមហាផ្ទៃ Ali Yerlikaya នៅថ្ងៃសុក្រទី២២ខែធ្នូ។
លោក Yerlikaya បានឲ្យដឹងថា ប្រតិបត្តិការ Operation Heroes-34 គឺធ្វើឡើងទូទាំងប្រទេស ហើយជាលទ្ធផល ជនសង្ស័យត្រូវបានចាប់ខ្លួន ខណៈភាគច្រើនត្រូវនាំយកទៅឃុំឃាំងនៅទីក្រុងអង់ការ៉ា អ៊ីស្តង់ប៊ុល និងអ៊ីស្មៀរ។
លោកប្រកាសក្តែងៗថា “យើងនឹងមិនអនុញ្ញាតឲ្យក្រុមភេរវករណាមួយ បំផ្លាញសន្តិភាពនិងសាមគ្គីភាពរបស់ប្រជាជនយើងបានជាដាច់ខាត ហើយយើងនឹងបន្តប្រយុទ្ធខ្លាំងដៃបំផុត”។
នារយៈពេលប៉ុន្មានសប្តាហ៍ថ្មីៗ តួកគី បានបង្កើនប្រតិបត្តិការប្រឆាំងនឹងចលនាសកម្មប្រយុទ្ធឃើដរដ្ឋឥស្លាម បន្ទាប់ពីក្រុមនេះ បំផ្ទុះគ្រាប់បែកក្បែរអគាររដ្ឋាភិបាលក្នុងទីក្រុងអង់ការ៉ា នៅថ្ងៃទី១ខែតុលា។
លើសពីនេះ តួកគី បានសម្រុកវាយប្រហារដោយមិនដកដៃលើគណបក្សកម្មករឃើដ (PKK) ដែលខ្លួនចាត់ទុកជាអង្គការភេរវករ ទាំងក្នុងប្រទេសនិងនៅភាគខាងជើងប្រទេសអ៊ីរ៉ាក់។
ក្រុមរដ្ឋឥស្លាម គ្រប់គ្រងបានមួយភាគបីនៃប្រទេសអ៊ីរ៉ាក់និងស៊ីរី ពេលដែលសកម្មភាពរបស់ពួកគេឈានដល់ចំណុចកំពូលក្នុងឆ្នាំ២០១៤ ប៉ុន្តែក្រោយមក ទោះបីជាក្រុមនេះ ត្រូវរងការបរាជ័យស្ពឹកមុខក៏ដោយ ប៉ុន្តែពួកគេនៅតែប្រមែប្រមូលកម្លាំង ដើម្បីបន្តការវាយប្រហារដដែល។
ពួកគេបានបើកការវាយប្រហារម្តងហើយម្តងទៀត នៅទូទាំងប្រទេសតួកគី រួមមានដូចជានៅក្លិបរាត្រីក្នុងទីក្រុងអ៊ីស្តង់ប៊ុលកាលពីថ្ងៃទី១ខែមករាឆ្នាំ២០១៧ ដែលសម្លាប់មនុស្ស៣៩នាក់ជាដើម៕
ប្រែសម្រួល៖ Vann Vann
ប្រភព៖ Asian One
ចុចអាន៖ តួកគី៖ ថ្ងៃណាមួយ ICC នឹងចោទប្រកាន់លោក Netanyahu ពីបទឧក្រិដ្ឋកម្មសង្គ្រាម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង