ព័ត៌មានជាតិ

ករណីអធិការស្រុកកំរៀង សមត្ថកិច្ចកំពុងស្រាវជ្រាវបន្ថែមរកអ្នកពាក់ព័ន្ធ

បានផុស

៥ years មុន

នៅ

ថ្ងៃអង្គារ ១៦ កុម្ភៈ ២០២១

ដោយ

នេះជាការបញ្ជាក់របស់សម្តេចក្រឡា ហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅក្នុងពិធីប្រគល់រថយន្ត ជូនស្នងការដ្ឋាននគរបាលខេត្តចំនួន១៩ នៅព្រឹកថ្ងៃទី១៦ ខែកុម្ភៈ ឆ្នាំ២០២១នេះ នៅទីស្ដីការក្រសួងមហាផ្ទៃ។

ឆ្លើយតបសំណួរអ្នកសារព័ត៌មាន ដែលលើកឡើងថា តើករណីអធិការស្រុកកំរៀងដែលបានបណ្តេញចេញនេះ អាចមានពាក់ព័ន្ធមន្ត្រីណាដែរឬទេ ? សម្តេចក្រឡាហោម ស ខេង បានបញ្ជាក់យ៉ាងដូច្នេះថា “យើងកំពុងស្រាវជ្រាវបន្ថែម។ មិនទាន់ឃើញមានឯកសារដែលពាក់ព័ន្ធទេ ប្រសិនបើឃើញយើង អនុវត្តតាមច្បាប់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា លោក គឹម ពន្លក អធិការនគរបាល ស្រុកកំរៀង ខេត្តបាត់ដំបង ត្រូវបានសម្តេចនាយករដ្ឋមន្ត្រី ហ៊ុន សែន បានចេញអនុក្រឹត្យបកស័ក្តិ និងបណ្តេញចេញពីក្របខ័ណ្ឌមន្ត្រីនគរបាលជាតិ ក្រោយពីរកឃើញថា មានពាក់ព័ន្ធករណីដោះលែងមេខ្យល់នាំមនុស្សឆ្លងដែនខុសច្បាប់ពីប្រទេសថៃ ចូលទឹកដីកម្ពុជា និងពីប្រទេសកម្ពុជា ចូលទឹកដីថៃ ហើយសម្ដេចក៏បានបញ្ជាឲ្យចាត់ការតាមផ្លូវច្បាប់ផងដែរ ដើម្បីជាការព្រមានដល់ជនទាំងឡាយផ្សេងទៀត កុំឲ្យប្រព្រឹត្តទង្វើបែបនេះ។

សម្តេចតេជោ ហ៊ុន សែន បានបញ្ជាក់ដែរថា ក្រៅពីបកស័ក្តិ និងបណ្តេញចេញពីក្របខ័ណ្ឌ គឺត្រូវបន្តចាត់ការអនុវត្តតាមផ្លូវច្បាប់ទៀត ដើម្បីផ្តន្ទាទោសជនពុករលួយរូបនេះ ដាក់ពន្ធនាគារឲ្យខានតែបាន និងបានបញ្ជាឲ្យអគ្គស្នងការ នគរបាលជាតិស្រាវជ្រាវជាបន្ទាន់ លើករណីដែលមេខ្យល់ត្រូវបានទាហានចាប់ខ្លួន ប្រគល់ឲ្យខាងប៉ូលិស ហើយខាងប៉ូលិស ជាអ្នកដោះលែងមេខ្យល់នោះ ដោយមិនបញ្ជូនទៅតុលាការ ដើម្បីអនុវត្តច្បាប់៕

អត្ថបទ ៖ កោះកែវ

Related Topics:សម្ដេចក្រឡាហោម ស ខេង