ព័ត៌មានជាតិ
ក្រសួងអប់រំ បង្ហាញវិធីការពារសុខភាពដល់គ្រូ និងសិស្ស អំឡុងអាកាសធាតុក្តៅខ្លាំង
ក្រសួងអប់រំ យុវជន និងកីឡា បានបង្ហាញវិធីការពារសុខភាពដល់លោកគ្រូ អ្នកគ្រូ និងសិស្សានុសិស្ស អំឡុងពេលអាកាសធាតុក្តៅខ្លាំង ខណៈឆ្នាំនេះ ត្រូវបានព្យាករថា អាកាសធាតុ នឹងមានកម្តៅចាប់ពី ៣៨ ដល់ ៤១ អង្សាសេ។
![](https://www.kampucheathmey.com/wp-content/uploads/2024/02/photo_2023-08-23_01-14-00-5.jpg)
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ២៣ កុម្ភៈនេះថា «ដើម្បីថែរក្សាសុខភាព និងការបង្ការជំងឺនានា ក្នុងរដូវក្តៅនេះ តាងនាមក្រសួងអប់រំ យុវជន និងកីឡា ខ្ញុំសូមអំពាវនាវឱ្យលោកគ្រូ អ្នកគ្រូ និងសិស្សានុសិស្ស ទទួលទានទឹកដាំពុះ ទឹកចម្រោះ ឬ ទឹកស្អាត ឱ្យបានញឹកញាប់ជាងមុន និងកុំរង់ចាំដល់ពេលស្រេកទឹក»។
![](https://www.kampucheathmey.com/wp-content/uploads/2024/02/photo_2024-02-09_08-38-34-1024x768.jpg)
លោកស្រី បានបន្តថា ជាមួយគ្នានេះ ត្រូវតាមដានព័ត៌មានអំពីអាកាសធាតុ ដើម្បីរៀបចំសកម្មភាពត្រឹមត្រូវ។ ចៀសវាងធ្វើលំហាត់ប្រាណនៅក្រោមកម្ដៅថ្ងៃខ្លាំង។ ត្រូវពាក់មួកការពារ ឬ ប្រើប្រាស់ឆ័ត្រ ក្នុងអំឡុងពេលធ្វើដំណើរ។ បើកទ្វារ បង្អួច នៃបន្ទប់រៀន ឱ្យបានស្រឡះល្អ និងបន្តដាំ និងថែរក្សាដើមឈើដែលមានស្រាប់ក្នុងបរិវេណគ្រឹះស្ថាន ដើម្បីយកម្លប់ និងកាត់បន្ថយកំដៅ។
![](https://www.kampucheathmey.com/wp-content/uploads/2024/02/photo_2024-02-10_08-53-15-1024x768.jpg)
គួរបញ្ជាក់ថា យោងតាមការព្យាកររបស់ក្រសួងធនធានទឹក និងឧតុនិយម ចាប់ពីខែកុម្ភៈ រហូតដល់ខែឧសភា ឆ្នាំ ២០២៤ នេះ អាកាសធាតុនៅប្រទេសកម្ពុជា នឹងមានកម្ដៅចាប់ពី ៣៨ ដល់ ៤១ អង្សាសេ។
![](https://www.kampucheathmey.com/wp-content/uploads/2024/02/photo_2024-02-09_08-30-26-1024x768.jpg)
អាកាសធាតុក្តៅខ្លាំងនេះ អាចធ្វើឱ្យសិស្សានុសិស្សនៅគ្រឹះស្ថានសិក្សាមួយចំនួន តាមបណ្តាខេត្ត បានពុលអាហារ មានអាការទន់ដៃទន់ជើង និងថប់អារម្មណ៍ ករណីខ្លះឈានទៅដល់ការដួលសន្លប់ ជាពិសេសសិស្សស្រី។
![](https://www.kampucheathmey.com/wp-content/uploads/2024/02/photo_2024-02-09_10-54-58-1024x768.jpg)
ករណីនេះបើតាមមន្ត្រីជំនាញសុខាភិបាល បានរកឃើញថា បណ្តាលមកពីការបរិភោគអាហារមិនមានសុវត្ថិភាព និងសុខុមាលភាព កង្វះអាហារូបត្ថម្ភ ការសម្រាកមិនគ្រប់គ្រាន់ ការទទួលទានភេសជ្ជៈប៉ូវកម្លាំងច្រើនពេក ការប្រែប្រួលអាកាសធាតុ ការបំពុលបរិស្ថាន និងកង្វះអនាម័យជាដើម…៕
អត្ថបទ ៖ សំអឿន
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១២ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ