ព័ត៌មានជាតិ

ខេត្តកោះកុង នឹងពិនិត្យចុះបញ្ជីនាវា និងទូកនេសាទឡើងវិញនាពេលឆាប់ៗខាងមុខ

បានផុស

២ years មុន

នៅ

ថ្ងៃពុធ ២៨ កុម្ភៈ ២០២៤

ដោយ

កោះកុង ៖ រដ្ឋបាលខេត្តកោះកុង និងមន្ត្រីជំនាញពាក់ព័ន្ធ នឹងត្រួតពិនិត្យចុះបញ្ជីនាវា និងទូកនេសាទឡើងវិញនាពេលខាងមុខ ដើម្បីងាយស្រួលគ្រប់គ្រងឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាយន្តការងាយស្រួលគ្រប់គ្រងឡើងវិញ និងបញ្ចៀសឧបទ្ទវហេតុណាមួយដែលអាចកើតឡើងនៅក្នុងលម្ហសមុទ្រ អាជ្ញាធរខេត្តកោះកុង នឹងត្រៀមសហការជាមួយមន្ត្រីរដ្ឋបាលជលផល ដោយចាប់ដៃសហការជាមួយមន្ត្រីមន្ទីរសាធារណការនិងដឹកជញ្ជូនខេត្តចុះបញ្ជីនាវា និងទូកនេសាទគ្រប់ប្រភេទនាពេលខាងមុខនេះ។

លោកស្រី អ៊ី នារីនេត អភិបាលរងខេត្តកោះកុង បានឱ្យដឹងនៅរសៀលថ្ងៃទី២៨ ខែកុម្ភៈ ឆ្នាំ២០២៤ថា រដ្ឋបាលខេត្តកំពុងពិនិត្យរាល់បែបបទនីតិវិធីរដ្ឋបាលផ្សេងៗ ដោយធ្វើយ៉ាងណាជួយសម្រួលដល់ប្រជាពលរដ្ឋ និងម្ចាស់អាជីវកម្មដែលមាននាវា ឬទូកនេសាទមកចុះបញ្ជីតាមច្បាប់។

លោកស្រីអភិបាលរងខេត្តកោះកុងបន្តថា ក្រោយពិនិត្យបែបបទរដ្ឋបាលរួចរាល់ហើយ រដ្ឋបាលខេត្តនឹងជូនដំណឹងដល់អ្នកពាក់ព័ន្ធទាំងអស់មកចុះបញ្ជីតាមបែបបទខ្លីឆាប់រហ័សទាន់ពេលវេលាទៀតផង។

យោងតាមទិន្នន័យរបស់រដ្ឋបាលជលផល បង្ហាញថា នៅឆ្នាំ២០១៨ ខេត្តកោះកុង មាននាវានេសាទសមុទ្រសរុបចំនួន៣.៣៩៦គ្រឿង ក្នុងនោះមាននាវានេសាទខ្នាតតូចជាង២ពាន់គ្រឿង នាវានេសាទខ្នាតមធ្យម៩៦២គ្រឿង និងនាវានេសាទខ្នាតធំ១០គ្រឿង។

ដោយឡែកលោក ហុង ហ៊ី ប្រធាននាយកដ្ឋានកិច្ចការរដ្ឋបាល និងនីតិកម្មរបស់រដ្ឋបាលជលផល លើកឡើងថា ការចុះបញ្ជីជលយាននេះ គឺមានសារៈសំខាន់ណាស់សម្រាប់ការគ្រប់គ្រង និងបញ្ចៀសឧបទ្ទវហេតុណាមួយដែលអាចកើតឡើងនៅក្នុងលម្ហសមុទ្រ ពិសេសគឺការធានាបាននូវនិរន្តរភាពធនធានជលផលក្នុងសមុទ្ររបស់កម្ពុជា។

លោក ហុង ហ៊ី អះអាងថា កន្លងទៅ ខេត្តព្រះសីហនុបានចូលរួមអនុវត្តការងារនេះល្អប្រសើរ ចំណែកឯខេត្តកោះកុងវិញ មិនទាន់អាចវាយតម្លៃបាននោះទេ តែលោក និងរដ្ឋបាលខេត្តពន្លឿននីតិវិធីផ្សព្វផ្សាយឱ្យកាន់តែទូលំទូលាយបន្ថែម៕

អត្ថបទ ៖ សិរីវឌ្ឍនៈ

Related Topics:ខេត្តកោះកុង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា