ព័ត៌មានជាតិ
លោក សៅ សុខា ចុះពិនិត្យការសាងសង់បញ្ជាការដ្ឋានកងរាជអាវុធហត្ថខេត្ត និងរចនាសម្ព័ន្ធ អ៊ិច១៦
នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅរសៀលថ្ងៃទី០៧ ខែមីនា ឆ្នាំ២០២៤ បានអញ្ជើញចុះសំណេះសំណាលសួរសុខទុក្ខកម្លាំងកងរាជអាវុធហត្ថ ពិនិត្យវឌ្ឍនភាព ការងារការកសាង អគារសេនាធិការដ្ឋាន នៃបញ្ជាការដ្ឋានកងរាជអាវុធហត្ថខេត្តត្បូងឃ្មុំ នៅទីរួមខេត្តត្បូងឃ្មុំ និងបន្តចុះពិនិត្យហេដ្ឋារចនាសម្ព័ន្ធ នៅតំបន់ប្រវត្តិសាស្រ្តយោធាតេជោកោះថ្ម អុិច១៦ ក្នុងស្រុកមេមត់។
ក្នុងឳកាសនោះ នាយឧត្តមសេនីយ៍ សៅ សុខា បានកោតសរសើរចំពោះថ្នាក់ដឹកនាំ និងកងកម្លាំងកងរាជអាវុធហត្ថខេត្តទាំងអស់ ដែលបានខិតខំអស់កម្លាំងកាយចិត្ត ប្រកបដោយឆន្ទៈយ៉ាងមុតស្រួច អនុវត្តន៍តាមភារកិច្ចការងារ ថែរក្សាសុខសុវត្ថិភាពសណ្តាប់ធ្នាប់សាធារណៈជូនបងប្អូនប្រជាពលរដ្ឋក្នុងមូលដ្ឋាន ក៏ដូចជាថ្នាក់ដឹកនាំនានា ដែលមកកាន់ខេត្តកូនពៅមួយនេះ។ ជាពិសេសលោក មេបញ្ជាការ រ័ត្ន ចាន់ណា ដែលបានខិតខំកសាង អគារសេនាធិការនេះ ឲ្យផុសចេញជារូបរាងឡើងនាពេលនេះ ។
សូមជម្រាបថា អគារសេនាធិការនេះ ដំណើរការសាងសង់ ក្រោមការចង្អុលបង្ហាញពីសំណាក់ នាយឧត្តមសេនីយ៍ សៅ សុខា និងដឹកនាំកសាងដោយផ្ទាល់ពីលោកឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ។អគារសេនាធិការ ចាប់ផ្តើមសាងសង់ ពីចុងខែកញ្ញា ឆ្នាំ២០២២ មកដល់ពេលនេះបានប្រមាណ ជាង៩៥%ហើយ ដោយគ្រោងនឹងបញ្ចប់ការសាងសង់រួចរាល់ជាស្ថាពរ និងបំពាក់សម្ភារៈបរិក្ខារ អាចចូលប្រើប្រាស់ជាផ្លូវការ មុនចូលឆ្នាំថ្មីប្រពៃណីខ្មែរខាងមុខនេះ។
គួររំលឹកថា បន្ទាប់ពីលោក ឧត្តមសេនីយ៍ត្រី មេបញ្ជាការ រ័ត្ន ចាន់ណា បានទទួលតំណែងភ្លាម លោកបានចង្អុលបង្ហាញ រៀបចំ និងដឹកនាំការកសាងដោយផ្ទាល់ ហេដ្ឋារចនាសម្ព័ន្ធនានាក្នុងទីបញ្ជារដ្ឋានកងរាជអាវុធហត្ថខេត្តត្បូងឃ្មុំ លើផ្ទៃដីប្រមាណជាង ០៣ហិចតា រួមមាន ចាក់ធ្វើផ្លូវបេតុងចូល, តបណ្តាញភ្លើងចូលអគារ, ភ្លើងសូឡាបំភ្លឺ, បន្ទប់ឃុំខ្លួនបន្តោះអាសន្នចំនួន២, បន្ទប់ទឹកចំនួន០៦បន្ទប់, បន្ទប់ស្នាក់នៅបណ្តោះអាសន្នកងកម្លាំងចំនួន៥ខ្នង ចាក់សាប សង់អំពីដែក -ល-។ ជាពិសេស បន្តកសាងអគារសេនាធិការ១ខ្នង កម្ពស់៣ជាន់ មានសាលប្រជុំ២ បន្ទប់ទទួលភ្ញៀវ១ បន្ទប់ធ្វើការ១៣បន្ទប់ សម្ភារៈ បរិក្ខារទំនើបៗ ដែលបម្រើការងារឲ្យមន្ទីរចំនួន០៧ ចំណុះឲ្យបញ្ជាការដ្ឋានអាវុធហត្ថ រួមមានៈ មន្ទីរសម្ភារៈបច្ចេ្ទកទេស, មន្ទីរកសាងកម្លាំង, មន្ទីរផែនការប្រតិបត្តិការ, មន្ទីរភស្តុរភា, មន្ទីរយុត្តិធម៍, មន្ទីរស្រាវជ្រាវព័ត៌មានសន្តិសុខ និងមន្ទីរទំនាក់ទំនងសាធារណៈ ៕
អត្ថបទ៖ សាន វិឡែម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?