Connect with us

ព័ត៌មានជាតិ

ឯកឧត្តម ឌី វិជ្ជា ស្នើឲ្យបងប្អូនបន្តគាំទ្រក្រុមបាល់ទាត់ជម្រើសជាតិកម្ពុជា

បានផុស

នៅ

ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការងនគរបាលជាតិ និងជាអ្នកស្រឡាញ់វិស័យកីឡាបាល់ទាត់មួយរូប បានអរគុណដល់បងប្អូនប្រជាពលរដ្ឋទាំងអស់គ្នាដែលស្រឡាញ់វិស័យកីឡាបាល់ទាត់កម្ពុជា និងបានស្នើឱ្យអ្នកគាំទ្របន្តការគាំទ្រលើកទឹកចិត្តកីឡាករកម្ពុជាបន្ថែមទៅមុខទៀត។ ឯកឧត្ដម ឌី វិជ្ជា បានស្នើដល់អ្នកគាំទ្របែបនេះ គឺបន្ទាប់ពីក្រុមបាល់ទាត់ជម្រើសជាតិកម្ពុជា បានប្រកួតចាញ់ក្រុមប៉ាគីស្ថាន ១-០ កាលពីថ្ងៃអង្គារ ហើយរងការរិះគន់ និងការមិនសប្បាយចិត្តយ៉ាងខ្លាំងពីអ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីស្នើឱ្យអ្នកគាំទ្របន្តគាំទ្រក្រុមជម្រើសជាតិបាល់ទាត់កម្ពុជា ឯកឧត្ដម ឌី វិជ្ជា ក៏បានប្រកាសគាំទ្រការលើកឡើងរបស់ឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជាដែលបានទទួលយកការរិះគន់ និងប្តេជ្ញាខិតខំរកវិធីដោះស្រាយការមិនសប្បាយចិត្តរបស់អ្នកគាំទ្របាល់ទាត់កម្ពុជា។

ក្នុងនាមជាអ្នកទទួលខុសត្រូវលើវិស័យបាល់ទាត់កម្ពុជា ឯកឧត្តម សៅ សុខា បានចេញមុខមកដោះស្រាយបញ្ហានេះជាមួយអ្នកគាំទ្រកម្ពុជា។ ឯកឧត្តម បានលើកឡើងដូច្នេះថា៖«គេនិយាយពិតជាត្រឹមត្រូវ សុំទទួលយកព្រោះជាការពិតវាកើតឡើងអញ្ចឹងមែន។ ពួកគេគាំទ្រជម្រើសជាតិ គេស្រឡាញ់ទើបគេតាមដាន គេដឹង និងរិះគន់។ សម្រាប់យើងមានតែប្រឹងប្រែងរកវិធីល្អណា ដើម្បីដោះស្រាយនូវការមិនសប្បាយចិត្តរបស់អ្នកគាំទ្រតែប៉ុណ្ណោះ»។ ឯកឧត្តម ឌី វិជ្ជា បានប្រកាសគាំទ្រ និងពេញចិត្តយ៉ាងខ្លាំងចំពោះការលើកឡើងរបស់ឯកឧត្តម ប្រធានសហព័ន្ធកីឡាបាល់ទាត់កម្ពុជានេះ។

ជាមួយនឹងការប្រកាសគាំទ្រនេះ ឯកឧត្តម ឌី វិជ្ជា ក៏បានអំពាវនាវដល់ប្រជាពលរដ្ឋកម្ពុជាទាំងអស់ដែលស្រឡាញ់វិស័យកីឡាបាល់ទាត់កម្ពុជា បន្តការគាំទ្រ និងលើកទឹកចិត្ត ដល់កីឡាករបាល់ទាត់ជម្រើសជាតិថែមទៀត។ ឯកឧត្តម ឌី វិជ្ជា បានគូសរំលេចឡើងថា៖ «បើយើងសង្កេតមើលឱ្យដល់ធៀបទៅនឹង ១០ ឬ ២០ឆ្នាំមុន គឺគ្រាប់បាល់យើងឱ្យគេនោះ មិនតិចជាង៥-១០គ្រាប់ទេ តែឥឡូវនេះ ឃើញថា ពីមួយឆ្នាំទៅមួយឆ្នាំ វិស័យកីឡាបាល់ទាត់ និងកីឡាករយើង មានការវិវត្តច្រើនណាស់ផងដែរ បើយើងមិនស្មើជាមួយគេ ឬយើងមិនឈ្នះគេ ក៏ត្រឹម ១ ឬ២ គ្រាប់ ហើយមានពេលខ្លះ យើងក៏ឈ្នះគេដែរ»៕ ក្នុងនាមជាអ្នកស្រឡាញ់វិស័យបាល់ទាត់កម្ពុជា ឯកឧត្តម ឌី វិជ្ជា បានអរគុណដល់បងប្អូនប្រជាពលរដ្ឋទាំងអស់គ្នាដែលស្រឡាញ់វិស័យកីឡាបាល់ទាត់កម្ពុជា និងបន្តការគាំទ្រលើកទឹកចិត្តកីឡាករកម្ពុជាបន្ថែមទៅមុខទៀត៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម