ជីវិតកម្សាន្ដ

សួស វីហ្សា និងស្វាមី បង្ហាញអារម្មណ៍ឈឺចាប់ខ្លាំងក្រោយបាត់បង់អ្នកម្តាយជាទីស្រលាញ់

បានផុស

២ years មុន

នៅ

ថ្ងៃពុធ ១៥ ឧសភា ២០២៤

ដោយ

ម្ចាស់បទវាសនាបុប្ផាស្វាយរៀងអ្នកនាង សួស វីហ្សា និងស្វាមីលោក ថមមី ព្រមទាំងក្រុមគ្រួសារពេលនេះកំពុងជួបទុក្ខធំ ខណៈលោកស្រី លាក់ ឌី ដែលជាម្តាយក្មេក សួស វីហ្សា (ម្តាយលោក ថមមី) បានទទួលមរណភាពទាំងអាល័យបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមខ្លឹមសារដែលអ្នកនាង សួស វីហ្សា បង្ហោះភ្ជាប់រូបភាពបានរៀបរាប់ថា «សល់ត្រឹមពាក្យថាឈឺចាប់ដោតជាប់ក្នុងទ្រូងខ្ញុំ ម៉ែអើយម៉ែ..យើងមិនទាន់បាននិយាយគ្នាទេម៉ែ កូនសុំខមាទោសណា៎ម៉ែ ស្គាល់ជាតិហើយឈឺណាស់លោកអើយជួយ»។ នាងក៏បានលើក ឡើងបន្តថា «ខ្ញុំកាន់ទុក្ខជូនអ្នកម្តាយក្មេករបស់ខ្ញុំ» ។

ចំណែកលោក ថមមី ដែលជាស្វាមីអ្នកនាង សួស វី ហ្សា បានលើកឡើងដែរថា «RIP ខណៈពេលនេះគ្រួសារខ្ញុំមានទុក្ខជាទម្ងន់ដោយម្តាយរបស់ខ្ញុំបានទទួលមរណភាពហើយកាលពីវេលាម៉ោង ២:២០នាទីយប់ ម៉ែគាត់ជាមនុស្សល្អណាស់ជាភរិយាដ៏ល្អ ជាពលរដ្ឋដែលមានបងប្អូនសាច់ញាត្តិគោរពស្រលាញ់ ម៉ែជាស្ត្រីឆ្នើមប្រចាំស្រុកភូមិក្នុងការងារជួយសង្គមជាតិ ម៉ែតែងតែធ្វើបុណ្យជួយកសាងវត្តអារាមច្រើនណាស់ បុណ្យម៉ែធំណាស់កូនសងមិនអស់ទេ»។

លោកបន្តទៀតថា «ចាប់ពីពេលនេះតទៅកូនលែងបានជួបមុខម៉ែទៀតហើយសូមបួងឲ្យម៉ែទៅកាន់ឋានសួគ៌កូនស្រលាញ់ម៉ែ ម៉ែអើយកូនសន្យា និងមើល ថែរក្សាក្រុមគ្រួសារយើងឲ្យបានល្អបំផុតឲ្យម៉ែបានមើលពីឋានសួគ៌មកកូនស្រលាញ់ម៉ែខ្លាំងណាស់គ្រួសារ ខ្ញុំបានមកធ្វើបុណ្យសពតាមប្រពៃណីជូនម៉ែ នៅស្រុកកំណើត ស្រុកកោះធំ ខេត្តកណ្តាល បងប្អូនដែលស្រលាញ់ចូលចិត្តគ្រួសារខ្ញ៉ំអាចមកចូលរួមបុណ្យដោយផ្ទាល់បាន»។

តាមរយៈដំណឹងនៃមរណៈទុក្ខរបស់អ្នកម្តាយក្មេកជាទីស្រលាញ់តារាចម្រៀងអ្នកនាង សួស វីហ្សា នេះបានធ្វើឲ្យអ្នកគាំទ្រ និងសិល្បករ-សិល្បការិនីរួមអាជីពសិល្បៈសម្តែងការចូលរួមរំលែកទុក្ខដ៏ក្រៀមក្រំ និងសោកសៅជាទីបំផុតជាមួយក្រុមគ្រួសាររបស់អ្នកនាង សួស វីហ្សា និងស្វាមីលោក ថមមី ផងដែរ៕

អត្ថបទ៖ ចាន់រ៉ា