ព័ត៌មានអន្ដរជាតិ

ការនាំចេញរថយន្តអគ្គិសនីចិន ធ្លាក់ចុះនៅខែមិថុនា ចំពេលមានសម្ពាធពន្ធពីលោកខាងលិច

បានផុស

២ years មុន

នៅ

ថ្ងៃព្រហស្បតិ៍ ១១ កក្កដា ២០២៤

ដោយ

ការនាំចេញរថយន្តអគ្គិសនីរបស់ប្រទេសចិន បានធ្លាក់ចុះ ១៣,២ ភាគរយនៅក្នុងមិថុនា មកនៅត្រឹម ៨៦ ០០០ គ្រឿង ចំពេលដែលចិនរងសម្ពាធបង្កើនពីលោកខាងលិច ជាពិសេសសហភាពអឺរ៉ុប ដែលជាទីផ្សារនាំចេញដ៏ធំរបស់ប្រទេសនេះ។ នេះបើតាមការចុះផ្សាយរបស់កាសែត Nikkei Asia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសមាគមផលិតរថយន្តចិន ការធ្លាក់ចុះនេះគឺជាការធ្លាក់ចុះប្រចាំខែ៣ជាប់ៗគ្នា ចាប់តាំងពីខែ មីនា មក។ ចំណែកឯការនាំចេញរថយន្តសរុបវិញ ក៏កើនឡើងក្នុងអត្រាតិចតួច ត្រឹមតែ ០,៧ ភាគរយ បើធៀបនឹងខែឧសភា ដូចគ្នា។

គួរបញ្ជាក់ថា ឧស្សាហកម្មរថយន្តអគ្គិសនីរបស់ចិនកំពុងស្ថិតក្រោមសម្ពាធពីគណៈកម្មការអឺរ៉ុប ដែលប្រកាសបន្ថែមពន្ធលើរថយន្តអគ្គិសនីនាំចូលពីចិនជាបណ្ដោះអាសន្ន ដើម្បីការពារផលិតផលក្នុងស្រុក ពីជំនួញចិនដែលទទួលការឧបត្ថម្ភរបស់រដ្ឋ។ ការបន្ថែមពន្ធ មានរហូតជិតដល់ ៤០ ភាគរយ ទៅតាមម៉ាករថយន្ត។

បញ្ហាបន្ថែមពន្ធ ហាក់ដូចជាបានធ្វើឱ្យការនាំចេញធ្លាក់ចុះ សូម្បីតែមុនពេលវិធានការនេះចូលជាធរមាន ពោលគឺក្រោយប្លុកអឺរ៉ុប បានផ្តួចផ្តើមនីតិវិធីចុះបញ្ជីគយកាលពីខែមីនា។

យ៉ាងណាមិញ សមាគមផលិតរថយន្តចិនបានឱ្យដឹងថា ផ្អែកលើមូលដ្ឋានប្រចាំឆ្នាំ ការនាំចេញរថយន្តសរុបរបស់ចិន បានកើនឡើង ២៦,៩ ភាគរយក្នុងខែមិថុនា ដោយសារតម្រូវការពីរុស្ស៊ី និងម៉ិកស៊ិក។ ជាមួយគ្នានោះការលក់រថយន្តអគ្គិសនីក្នុងស្រុកក៏កើនឡើង ៣៥,១ ភាគរយ ក្នុងឆមាសទី១ បើធៀបនឹងរយៈពេលដូចគ្នាកាលពីឆ្នាំមុន ដល់ ៤,៣៣ គ្រឿង៕

Related Topics:ប្រទេសចិន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា