ព័ត៌មានជាតិ

មិនគួរមើលរំលង រីសត ៦ កន្លែង ផ្តល់ការស្នាក់នៅស្រស់ស្រាយបែបធម្មជាតិក្នុងខេត្តរតនគិរី

បានផុស

២ years មុន

នៅ

ថ្ងៃព្រហស្បតិ៍ ១៩ កញ្ញា ២០២៤

ដោយ

នឹកឃើញដល់កន្លែងដើរលេងកម្សាន្តដែលស្រស់ស្អាតបែបព្រៃភ្នំ ទេសភាពខៀវស្រងាត់ និងចង់បែបលំហែអារម្មណ៍ បោះតង់ មានទេសភាពជុំវិញដោយធម្មជាតិ ច្បាស់ណាស់ថា ភ្ញៀវទេសចរនិងនឹកឃើញដល់ខេត្តរតនគិរីមុនគេ។ ខេត្តភាគឦសានមួយនេះ ជាខេត្តដែលស្រស់ស្អាត មានទាំងកន្លែងលេងកម្សាន្តបែបធម្មជាតិ កែច្នៃ និងទឹកធ្លាក់ជាច្រើនកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពីមួយឆ្នាំទៅមួយឆ្នាំ ក្រោយពីប្រទេសមានការរីកចម្រើន អភិវឌ្ឍន៍ជាបន្តបន្ទាប់ បានធ្វើឱ្យខេត្តភាគឦសានមួយនេះ មានការប្រែប្រួលមុខមាត់គួរឱ្យកត់សម្គាល់។ ជាក់ស្តែង ដូចជាទីកន្លែងទេសចរណ៍កាន់សម្បូរបែប ព្រៃភ្នំ ទឹកធ្លាក់ ទេសចរណ៍ធម្មជាតិ វប្បធម៌ កែច្នៃ ជាច្រើនកន្លែងផងដែរ។

ជាក់ស្តែង បច្ចុប្បន្នក្រោយរាជរដ្ឋាភិបាលកម្ពុជា បានរៀបចំឱ្យមានដំណើរកម្សាន្តទិសឦសាន គេកត់សម្គាល់ឃើញខេត្តរតនគិរី កាន់តែមានភ្ញៀវទៅលេងកម្សាន្តនៅតាមទីតាំងទេសចរណ៍នានាក្នុងខេត្តជាហូរហែ។

ជាមួយគ្នានេះ ប្រសិនបើភ្ញៀវទេសចរដែលបានទៅដល់ខេត្តរតនគិរី មិនគួរមើលរំលងនូវរមណីយដ្ឋានកែច្នៃ ៦ កន្លែង ដែលមានក្នុងខេត្តឡើយ។

ក្នុងនោះ រមណីយដ្ឋានកែច្នៃ ៦ ទីតាំង មានដូចជា

ភូមិខ្មែរ រីសត ដែលស្ថិតនៅសង្កាត់កាចាញ ក្រុងបានលុង ចម្ងាយផ្លូវ ៣គីឡូម៉ែត្រ
គុជវារី រីសត ស្ថិតនៅ ក្នុងស្រុកអូរជុំ ចម្ងាយផ្លូវ ៦គីឡូម៉ែត្រ
មល្លិកា រីសត មានទីតាំងស្ថិតនៅសង្កាត់បឹងកន្សែង ក្រុងបានលុង ចម្ងាយផ្លូវប្រមាណ ២គីឡូម៉ែត្រប៉ុណ្ណោះ
ចំការដូង រីសត ស្ថិតនៅឃុំតឺន ស្រុកកូនមុំ មានចម្ងាយ ១៣គីឡូម៉ែត្រ
ជាងអេង រីសត កន្លែងកម្សាន្តមួយនេះស្ថិតនៅសង្កាត់ឡាបានសៀក ក្រុងបានលុង មានចម្ងាយផ្លូវ ១គីឡូម៉ែត្រប៉ុណ្ណោះ
ផារ៉ាដាយ រីសត ស្ថិតនៅស្កាត់យក្ខឡោម ក្រុងបានលុង ចម្ងាយផ្លូវ ៦គីឡូម៉ែត្រ

គួរជម្រាបថា ក្រៅពីតំបន់ទេសចរណ៍ខាងលើនេះ ខេត្តរតនគិរី មានរមណីយដ្ឋានធម្មជាតិចំនួន ២២កន្លែង និងរមណីយដ្ឋានវប្បធម៌ចំនួន ២កន្លែងផងដែរ៕