ព័ត៌មានជាតិ

គម្រោងរេដបូកកែវសីមា ជួយសហគមន៍ជនជាតិដើមភាគតិចភូមិពូត្រុំ ដាំដុះបន្លែលក់បានថ្លៃ ថែមទាំងមិនពិបាករកទីផ្សារ

បានផុស

២ years មុន

នៅ

ថ្ងៃអង្គារ ២៤ កញ្ញា ២០២៤

ដោយ

តាមរយៈគម្រោងមូលនិធិរេដបូកកែវសីមា បានធ្វើឲ្យសហគមន៍ជនជាតិភាគតិចភូមិពូត្រុំក្នុងសង្កាត់រមនា ក្រុងសែនមនោរម្យ បានដាំដុះបន្លែមិនត្រឹមតែអាចផ្គត់ផ្គង់ទីផ្សារបានធំទូលាយល្អប្រសើរជាងមុន ថែមទាំងអាចលក់បានថ្លៃបានចំណូលកើនឡើងថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផល្លី កសិករដាំបន្លែនៅសហគមន៍ជនជាតិភាគតិចភូមិពូត្រុំ ក្នុងសង្កាត់រមនាបានគូសបញ្ជាក់ថា កន្លងទៅការដាំដុះបន្លែនៅក្នុងសហគមន៍ប្រឈមមុខពិបាករឿងទីផ្សារ និងខ្វះបច្ចេកទេសដែលដាំដុះរងការបំផ្លាញពីសត្វល្អិតចង្រៃ។ ប៉ុន្តែក្នុងរយៈពេល ៣ ឆ្នាំនេះ ដោយទទួលបានការគាំទ្រតាមរយៈគម្រោងមូលនិធិរេដបូកកែវសីមា បានផ្តល់បច្ចេកទេសនៃការដាំដុះបន្លែដែលធ្វើឲ្យទិន្នផលកើនឡើងជាងមុន ថែមទាំងមិនពិបាករកទីផ្សារនិងលក់បានថ្លៃថែមទៀត។

លោកបន្តថា សហគមន៍ដាំបន្លែនៅភូមិពូត្រុំដែលមានសមាជិកជាង ៦០ គ្រួសារ បានដាំដុះបន្លែតាមរដូវកាលដូចជាស្ពៃក្តោប ស្បែក្រញាញ់ ការ៉ុត ឆៃថាវ រួមទាំងបន្លែគួបផ្សំផ្សេងទៀតដូចជាម្ទេសអាចម៍សត្វ ស្លឹងងប់ ល្ពៅ ននោង ត្រឡាច និងបន្លែតាមតំបន់មួយចំនួនទៀត។

ដាំដុះលើផ្ទៃដីទំហំជាង ១០០ ម៉ែត្រការ៉េ លោក ផល្លី អះអាងថា ការដាំដុះបន្លែគ្រប់មុខអាចឲ្យលោករកចំណូលបានមួយខែពី ១ លាន ទៅ ២ លានរៀល ដែលចំណូលនេះអាចយកផ្គត់ផ្គង់ជីវភាពគ្រួសារ ខណៈបន្លែដែលដាំដុះដោយធម្មជាតិមិនប្រើប្រាស់ជីគីមី ក៏អាចយកទៅប្រើប្រាស់ហូបក្នុងគ្រួសារប្រកបដោយសុវត្ថិភាពខ្ពស់៕

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា