ព័ត៌មានអន្ដរជាតិ

ព្យុះ Trami បង្កជាគ្រោះទឹកជំនន់ និងសម្លាប់មនុស្ស១៤នាក់នៅហ្វីលីពីន

បានផុស

២ years មុន

នៅ

ថ្ងៃព្រហស្បតិ៍ ២៤ តុលា ២០២៤

ដោយ

Chheang

កោះ Luzon ដែលជាកោះធំជាងគេ និងមានមនុស្សរស់នៅច្រើនជាងគេរបស់ប្រទេសហ្វីលីពីន បានកើតមានគ្រោះទឹកជំនន់ និងមនុស្សបាត់បង់ជីវិតជាង១០នាក់ ព្រោះតែរងឥទ្ធិពលនៃខ្យល់ព្យុះ Trami ខណៈនៅថ្ងៃទី២៤ខែតុលានេះ សាលារៀន និងកន្លែងធ្វើការរដ្ឋទាំងអស់ត្រូវបានបិទរយៈពេល២ថ្ងៃជាប់គ្នាមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមទីភ្នាក់ងារឧតុនិយមរដ្ឋហ្វីលីពីននៅថ្ងៃព្រឹកថ្ងៃព្រហស្បតិ៍ ព្យុះ Trami បានបក់បោកនៅក្នុងល្បឿនថេរជាអតិបរមា ៩៥គីឡូម៉ែត្រក្នុង១ម៉ោង ហើយមានខ្យល់កន្ទ្រាក់ក្នុងល្បឿនរហូតដល់ ១៦០គីឡូម៉ែត្រក្នុង១ម៉ោង។ ព្យុះនេះ កំពុងធ្វើដំណើរឆ្ពោះទៅភាគខាងលិចនៃខេត្ត Isabela សំដៅទៅរកសមុទ្រចិនខាងត្បូង។ ទីភ្នាក់ងារឧតុនិយម ក៏បានព្រមានពីការធ្លាក់ភ្លៀងខ្លាំង ទឹកជំនន់ និងបំណាក់ដី ដែលអាចកើតឡើងនៅភាគខាងជើងខេត្ត Isabela។

មន្ត្រីហ្វីលីពីន បានប្រាប់ថា ព្យុះ Trami បានធ្វើឲ្យមនុស្សចំនួន ១៤នាក់បាត់បង់ជីវិត ក្នុងនោះមាន ១២នាក់ស្ថិតនៅក្នុងទីក្រុង Naga។

ប្រជាពលរដ្ឋជាច្រើនពាន់នាក់ បានជម្លៀសខ្លួនចេញពីផ្ទះសម្បែងនៅក្នុងតំបន់ Bicol ខណៈទឹកបានជន់លិចខ្លាំងឡើងដល់ដំបូលផ្ទះឯណោះ។

សូមបញ្ជាក់ថា ហ្វីលីពីន ជាទូទៅកើតមានខ្យល់ព្យុះត្រូពិចចំនួន២០លើក ជារៀងរាល់ឆ្នាំ ដែលបង្កជាការធ្លាក់ភ្លៀងខ្លាំង ខ្យល់កន្ទ្រាក់ និងបំណាក់ដី៕

ដោយ៖ ឈាង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា