ព័ត៌មានជាតិ

ជង្ហុកជាច្រើនកន្លែងលើកំណាត់ផ្លូវ ៦០៨ បង្កគ្រោះថ្នាក់ដល់អ្នកដំណើរជារឿយៗ

បានផុស

២ years មុន

នៅ

ថ្ងៃព្រហស្បតិ៍ ៧ វិច្ឆិកា ២០២៤

ដោយ

ប្រជាពលរដ្ឋរស់នៅលើកំណាត់ផ្លូវ ៦០៨ ស្នើសុំឲ្យអាជ្ញាធរខណ្ឌ មេត្តាជួយពិនិត្យមើលជង្ហុកជាច្រើនកន្លែងដែលតែងតែបង្កគ្រោះថ្នាក់ដល់អ្នកធ្វើដំណើរ ជាពិសេសនៅពេលយប់មើលមិនឃើញជង្ហុកឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា ផ្លូវជង្ហុកនេះ ស្ថិតនៅចំណុចផ្លូវលេខ ៦០៨ រហូតទៅដល់រង្វង់មូលទួលគោកចាស់ ក្នុងសង្កាត់បឹងកក់ ២ ខណ្ឌទួលគោក រាជធានីភ្នំពេញ។

បើតាមការសាកសួរ លោក វណ្ណា ជាប្រជាពលរដ្ឋរស់នៅលើកំណាត់ផ្លូវខាងលើ និង ប្រជាពលរដ្ឋផ្សេងទៀត បានលើកឡើងដូចៗ គ្នាថា ជង្ហុកទាំងនេះ ដំបូងឡើយមានបន្តិចបន្តួចនោះទេ តែដោយសារអាជ្ញាធរមិនជួសជុលទុកឲ្យជង្ហុកទាំងនោះទៅជាធំទៅៗ។ ពេលខ្លះម្ចាស់ផ្ទះបានយក កម្ទេចថ្មមកចាក់បំពេញជង្ហុក ជៀសវាងមានអ្នកធ្វើដំណើរជិះធ្លាក់ជង្ហុកគ្រោះថ្នាក់ជាយថាហេតុ។

លោក សុខ បញ្ញា ជាសន្តិសុខយាមនៅក្រុមហ៊ុនមួយកន្លែងនៅលើកំណាត់ផ្លូវ ៦០៨ បានលើកឡើងដែរថា ចាប់តាំងពីលោកមកយាមនៅទីនេះជិត ៤ ឆ្នាំហើយ ផ្លូវជង្ហុកនេះតែងតែបង្កគ្រោះថ្នាក់ដល់អ្នកដំណើរជារឿយៗ។

លោកបានបន្តទៀតថា កន្លងមក លោកឃើញមានខាងមេភូមិ ខាងសង្កាត់ ជិះមកថតកន្លែងខូច រួចទៅ មិនឃើញមានការជួសជុលទេ។

គួររំលឹកផងដែរថា កន្លងមក លោក វ៉ាន សារ៉េត ចៅសង្កាត់បឹងកក់ទី ២ បានប្រាប់ កម្ពុជាថ្មី ឲ្យដឹងថា ពាក់ព័ន្ធផ្លូវដែលរងការខូចខាតចាប់ពីផ្លូវលេខ ៦០៨ រហូតទៅដល់រង្វង់មូលទួលគោកចាស់ គឺ ចំពោះបញ្ហានេះ គាត់ធ្លាប់បានរាយការណ៍ទៅកាន់សាធារណការខណ្ឌរួចរាល់ហើយ ប៉ុន្តែពុំទាន់ដឹងថា ខាងសាធារណការខណ្ឌ នឹងចាប់ផ្ដើមជួសជុលនៅពេលណាឲ្យប្រាកដនោះឡើយ។

ជាមួយគ្នានេះ ប្រជាពលរដ្ឋ បានសំណូមពរដល់អាជ្ញាធរពាក់ព័ន្ធ សូមជួយសម្របសម្រួលជួសជុលផ្លូវខូចខាងលើនេះផង ដើម្បីឲ្យអ្នកធ្វើដំណើរងាយស្រួលធ្វើដំណើរឡើងវិញ៕

អត្ថបទ ៖ ម៉េង

Related Topics:ខណ្ឌទួលគោក

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា