ព័ត៌មានអន្ដរជាតិ
រុស្ស៊ី ត្រៀមចាត់វិធានការ ឆ្លើយតបការបើកមូលដ្ឋានមីស៊ីលថ្មីរបស់អាមេរិកលើទឹកដីប៉ូឡូញ
វិមានក្រឹមឡាំង បានប្រកាសកាលពីថ្ងៃទី១៣ខែវិច្ឆិកាថា រុស្ស៊ីនឹងចាត់វិធានការឆ្លើយតបទៅនឹងការបើកមូលដ្ឋានមីស៊ីលរបស់អាមេរិកនៅក្នុងប្រទេសប៉ូឡូញ។
អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មាននៅរដ្ឋធានីមូស្គូថា៖ «ជាការពិតណាស់ ជំហាននេះនាំទៅដល់ការអនុម័តវិធានការសមស្រប ដើម្បីធានាភាពស្មើគ្នា»។
ការប្រកាសរបស់រុស្ស៊ីនេះ ធ្វើឡើងក្រោយពេលរដ្ឋមន្ត្រីការបរទេសប៉ូឡូញ លោក Radoslaw Sikorski បានប្រកាសថា មូលដ្ឋានការពារមីស៊ីលរបស់សហរដ្ឋអាមេរិកបានបើកនៅទីក្រុង Redzikowo ក្បែរឆ្នេរសមុទ្របាល់ទិក នៅភាគខាងជើងប្រទេសប៉ូឡូញកាលពីថ្ងៃទី១៣ខែវិច្ឆិកា។
យោងតាមលោក Sikorski គម្រោងបើកមូលដ្ឋាននេះបានចាប់ផ្តើមក្នុងអំឡុងពេលលោក George W. Bush កាន់តំណែងជាប្រធានាធិបតីអាមេរិក ហើយការបញ្ចប់គម្រោងគឺជា ភស្តុតាងនៃ «ស្ថិរភាពភូមិសាស្ត្ររបស់សហរដ្ឋអាមេរិក»។
ទោះបីជាយ៉ាងណាក៏ដោយ អ្នកនាំពាក្យវិមានក្រឹមឡាំង បាននិយាយថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រឆាំងនឹងផែនការនេះ តាំងពីនៅដើមទសវត្សរ៍ឆ្នាំ២០០០មកម៉្លេះ។
លោក Peskov បានអះអាងថា គោលបំណងនៃការបើកមូលដ្ឋានទ័ពរបស់អាមេរិកបែបនេះ គឺដើម្បី «ទប់ស្កាត់យោធា» ដ៏មានសក្ដានុពលរបស់រុស្ស៊ីប៉ុណ្ណោះ៕
ដោយ៖ ឈាង
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន