ព័ត៌មានអន្ដរជាតិ
ហេ្សលេនស្គី បារម្ភខ្វះការផ្គត់ផ្គង់ប្រព័ន្ធការពារអាកាសពីអាមេរិក បើជម្លោះនៅអ៊ីរ៉ង់អូសបន្លាយ
ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានបង្ហាញកង្វល់យ៉ាងខ្លាំងចំពោះស្ថានភាពសន្តិសុខជាតិ ដោយលោកបានលើកឡើងកាលពីថ្ងៃពុធទី២២មេសាថា ប្រសិនបើសង្គ្រាមនៅអ៊ីរ៉ង់បន្តអូសបន្លាយរយៈពេលវែង នោះអ៊ុយក្រែននឹងត្រូវប្រឈមមុខនឹងហានិភ័យខ្ពស់ក្នុងការធានាបាននូវទទួលបាននូវការផ្គត់ផ្គង់ប្រព័ន្ធមីស៊ីលការពារដែនអាកាសពីសំណាក់សហរដ្ឋអាមេរិក។
ក្នុងបទសម្ភាសន៍ជាមួយទីភ្នាក់ងារសារព័ត៌មានអាមេរិក CNN លោក ហ្សេលេនស្គី បានលើកឡើងថា អ៊ុយក្រែនទទួលបានប្រព័ន្ធមីស៊ីលបែបនេះក្នុងចំនួនមានកំណត់ ដោយសារតែការផលិតរបស់អាមេរិកមានកំណត់ដូចគ្នា ប៉ុន្តែរហូតមកដល់ពេលនេះ ខ្លួនមិនទាន់ជួបប្រទះការរំខានពីការផ្គត់ផ្គង់ពីខាងភាគីសហរដ្ឋអាមេរិកទេ ឬការផ្តល់ព័ត៌មានស៊ើបការណ៍សម្ងាត់នៅឡើយទេ។
លោកបានគូសបញ្ចាក់បន្ថែមទៀតថា អ៊ុយក្រែនទទួលបានការផ្គត់ផ្គង់អាវុធរបស់អាមេរិកតាមរយៈកម្មវិធី PURL ដែលប្រទេសក្នុងសម្ព័ន្ធមិត្តណាតូ អាចផ្តល់ហិរញ្ញប្បទានដល់ការទិញអាវុធសម្រាប់ទីក្រុងកៀវ។ តាមរយៈកម្មវិធីនេះ អ៊ុយក្រែនអាចរួមបញ្ចូលនិងទិញមីស៊ីលប្រឆាំងមីស៊ីលផ្លោងសម្រាប់ប្រព័ន្ធ Patriot និងអាវុធមួយចំនួនទៀត ដែលមានសារៈសំខាន់ខ្លាំងណាស់សម្រាប់អ៊ុយក្រែន។
លោក ហ្សេលេនស្គី បានបន្តថា រហូតមកដល់ពេលនេះ អ៊ុយក្រែនមិនមានបញ្ហានេះទេ ជាមួយប្រទេសជិតខាងអឺរ៉ុបផ្សេងទៀត ហើយជាការពិតណាស់ ដោយសារបញ្ហាប្រឈមដ៏ធំនៅក្នុងសង្គ្រាមមជ្ឈិមបូព៌ា និងអ៊ីរ៉ង់ កញ្ចប់ទាំងអស់នេះកំពុងតែស្ថិតក្នុងហានិភ័យសម្រាប់អ៊ុយក្រែន។
លោក លើកឡើងថា អាមេរិកបានផ្គត់ផ្គង់ «ត្រឹមតែមួយចំនួនតូចប៉ុណ្ណោះ» ជាក់ស្ដែង យើងមិនមានច្រើនពេកទេ! យើងយល់ពីមូលហេតុ ពីព្រោះការផលិតនៅអាមេរិកមិនធំប៉ុន្មានទេ។ ប៉ុន្តែ បើសង្គ្រាមនៅតែបន្ត ឬបទឈប់បាញ់ត្រូវបានពន្យារពេល នេះនឹងមិនល្អទេ ហើយប្រហែលជាយើងនឹងមានហានិភ័យកាន់តែច្រើនជាមួយនឹងមីស៊ីលប្រឆាំងមីស៊ីលផ្លោង»។
នៅក្នុងសារចុងក្រោយនេះ លោកហ្សេលេនស្គី បានគូសបញ្ចាក់ជាថ្មីម្តងទៀតថា អ៊ុយក្រែនកំពុងផ្តល់ជូនប្រទេសនានានៅមជ្ឈិមបូព៌ានូវចំណេះដឹងដែលខ្លួនទទួលបានក្នុងរយៈពេល៤ឆ្នាំនៃការទប់ទល់នឹងយន្តហោះដ្រូន ដែលដាក់ពង្រាយដោយកងកម្លាំងរុស្ស៊ី ដែលភាគច្រើនត្រូវបានរចនាដោយអ៊ីរ៉ង់។ កិច្ចព្រមព្រៀងត្រូវបានចុះហត្ថលេខាជាមួយអារ៉ាប៊ីសាអូឌីត កាតា និងអារ៉ាប់រួម៕
អត្ថបទ៖ សាង ស្រីល័ក្ខ
វិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៧ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ