ជីវិតកម្សាន្ដ

សិល្បករ-សិល្បការិនីប្រមាណជា៤០០នាក់ចុះ ឈ្មោះចាក់វ៉ាក់សាំងការពារកូវីដ-១៩

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

ខណៈដែលមានសិល្បករ-សិល្បការិនីមួយ ចំនួនបានឆ្លងជំងឺកូវីដ-១៩និងខ្លះទៀតកំពុងរង់ចាំលទ្ធផលតេស្តសំណាកព្រមទាំងធ្វើចត្តាឡីស័ក១៤ថ្ងៃពេលនេះ មានតារាសិល្បៈប្រមាណ៤០០នាក់ចុះឈ្មោះចាក់វ៉ាក់សាំងការពារជំងឺកូវីដ-១៩។

លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គម បានបញ្ជាប់ប្រាប់ឲ្យដឹងមុននេះថា មកដល់ថ្ងៃនេះគឺមានសិល្បករ-សិល្បការិនីប្រមាណជា៤០០នាក់ហើយ បានចុះឈ្មោះចាក់វ៉ាក់សាំង។ លោកថាយើងខ្ញុំនឹងជូនកាលបរិច្ឆេតនៃការចាក់វ៉ាក់សាំងនៅដើមខែមេសាខាងមុខនេះ។

គិតមកត្រឹមរសៀលថ្ងៃទី១៤ ខែមីនាឆ្នាំ២០២១ នេះគឺមានតារាសិល្បៈរបស់ខ្មែរផ្នែកចម្រៀងពិធីការិនីផលិតករដឹកនាំសម្តែង និងកំប្លែងដែលឆ្លងជំងឺកូវីដ-១៩មានចំនួនរហូតដល់១១នាក់ហើយ។ ចំណែកអ្នកដែលពាក់ព័ន្ធផ្សេងៗទៀត កំពុងតែបន្តធ្វើតេស្តដូច្នេះសូមកុំភ្លេច ៣កុំ ៣ការពារ។ នេះបើតាមការបញ្ជាក់ពីលោក ហេង ឡុង ។

សូមជម្រាបដែរថារហូតមកទល់ពេលនេះ មានតារាចម្រៀង ផលិតករ អ្នកដឹកនាំសម្តែង ពិធីការិនីរបស់ហង្សមាសប្រមាណ៧រូបមកហើយ ដែលឆ្លងជំងឺកូវីដ-១៩គិតត្រឹមថ្ងៃទី១២ ខែមីនាកន្លងមក ខណៈម្សិលមិញក៏រកឃើញតារាកំប្លែងCTNអ្នកនាង ស្រីអ៊ិត ឆ្លងកូវីដ-១៩ផងដែរ៕

អត្ថបទ៖ ចាន់រ៉ា

សូមចុចអាន៖ កែវ ច័ន្ទនិមល ៖ រឿងមួយចំនួនបើមិនធ្លាប់ឆ្លងកាត់ផ្ទាល់ គ្មានថ្ងៃយល់នោះឡើយ