ព័ត៌មានអន្ដរជាតិ
ឧទ្ធម្ភាគចក្រសង្គ្រោះបន្ទាន់ បើកបុកអគារពេទ្យ ស្លាប់មនុស្ស៤នាក់នៅតួកគី
មនុស្សចំនួន៤នាក់បានស្លាប់ នៅពេលដែលឧទ្ធម្ភាគចក្រមួយគ្រឿងបើកបុកអគារមន្ទីរពេទ្យមួយកន្លែងនៅប្រទេសតួកគី កាលពីថ្ងៃអាទិត្យទី២២ខែធ្នូឆ្នាំ២០២៤ ដោយគ្រោះថ្នាក់នេះបង្កឡើងព្រោះតែការចុះអ័ព្ទខ្លាំង។
អភិបាលខេត្ត Mugla លោក Idris Akbiyik បាននិយាយថា៖ «ឧទ្ធម្ភាគចក្របានធ្លាក់ដល់ដី បន្ទាប់ពីហោះបុកជាន់ទី៤ នៃអគារមន្ទីរពេទ្យ អំឡុងពេលហោះឡើង» ដោយបានសម្លាប់អ្នកបើកបរ២នាក់ វេជ្ជបណ្ឌិតម្នាក់ និងបុគ្គលិកសុខាភិបាលម្នាក់នៅលើឧទ្ធម្ភាគចក្រ។
ឧទ្ធម្ភាគចក្រនេះ មានគោលដៅបម្រុងហោះចេញពីដំបូងអគារមន្ទីរពេទ្យក្រុង Mugla ឆ្ពោះទៅកាន់ទីក្រុង Antalya។
លោក Akbiyik បានបន្តថា នៅពេលកើតហេតុ គឺមានការធ្លាក់អ័ព្ទខ្លាំង ហើយអាជ្ញាធរកំពុងស៊ើបអង្កេតមូលហេតុពិតប្រាកដបន្ថែមទៀតនៃគ្រោះថ្នាក់។
ចំណែកឯនៅក្នុងអគារមន្ទីរពេទ្យ ពុំមានសេចក្ដីរាយការណ៍អំពីមនុស្សរងរបួស ឬបាត់បង់ជីវិតឡើយ។
សូមរំឭកថា កាលពីជិត២សប្ដាហ៍មុន ឧបទ្ទវហេតុធ្លាក់ឧទ្ធម្ភាគចក្រ បានកើតឡើងម្ដងរួចមកហើយនៅក្នុងប្រទេសតួកគី បន្ទាប់ពីទាហាន៦នាក់បានស្លាប់ នៅពេលដែលឧទ្ធម្ភាគចក្រ២គ្រឿងបានបើកបុកគ្នាអំឡុងពេលលំហាត់ហ្វឹកហ្វឺនកងទ័ពនៅខេត្ត Isparta។ នៅពេលនោះ ក្រសួងការពារជាតិមិនបានបញ្ជាក់អំពីមូលហេតុដែលបណ្តាលឲ្យធ្លាក់ឧទ្ធម្ភាគចក្រនោះទេ៕
ដោយ៖ ឈាង
-
ព័ត៌មានអន្ដរជាតិ៣ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៥ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៣ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៤ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ២ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានជាតិ២ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានអន្ដរជាតិ៥ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា៤ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi