ព័ត៌មានអន្ដរជាតិ
ស្លាប់ម្នាក់ និងរបួស៧នាក់ ក្រោយផ្ទុះរថយន្ត Cybertruck ចំពីមុខសណ្ឋាគារលោក ត្រាំ
ប៉ូលិសអាមេរិក កំពុងស៊ើបអង្កេតករណីផ្ទុះរថយន្ត Tesla Cybertruck មួយគ្រឿងនៅខាងក្រៅសណ្ឋាគារ Trump ក្នុងទីក្រុង Las Vegas រដ្ឋ Nevada។ នៅលើរថយន្តកើតហេតុ គេសង្កេតឃើញមានកាដុងសាំង និងគ្រាប់កាំជ្រួចជាច្រើន។
ប៉ូលិស បានឲ្យដឹងថា អ្នកបើកបរម្នាក់បានស្លាប់ និងមនុស្ស ៧នាក់បានរងរបួសស្រាល។
រថយន្ត Cybertruck នេះ ត្រូវបានគេជួលនៅក្នុងរដ្ឋ Colorado ហើយបានទៅដល់ទីក្រុង Las Vegas កាលពីព្រឹកថ្ងៃពុធទី១ខែមករា ដោយចតនៅមុខសណ្ឋាគារ Trump ក្បែរច្រកចេញចូល។ ដំបូងឡើយ រថយន្តបានចាប់ផ្តើមមានផ្សែង បន្ទាប់មកក៏ផ្ទុះតែម្ដង។
នៅក្នុងសុន្ទរកថាកាលពីល្ងាចថ្ងៃកើតហេតុ លោកប្រធានាធិបតី ចូ បៃដិន បាននិយាយថា សេតវិមានកំពុងតាមដានឧប្បត្តិហេតុនេះ ហើយកំពុងស៊ើបអង្កេតថាតើវាមានទំនាក់ទំនងជាមួយការវាយប្រហារនៅទីក្រុង New Orleans ដែលបានបណ្តាលឲ្យមនុស្ស ១៥នាក់ស្លាប់ដែរឬក៏អត់។
ពាក់ព័ន្ធនឹងការផ្ទុះ ប្រធានក្រុមហ៊ុន Tesla លោក Elon Musk បានប្រកាសថា វាបណ្តាលមកពីកាំជ្រួច ឬគ្រាប់បែក ដែលទុកនៅក្នុងរថយន្ត Cybertruck ពោលគឺមិនជាប់ទាក់ទងនឹងបច្ចេកទេសរថយន្តក្រុមហ៊ុនរបស់លោកឡើយ ដោយបន្ថែមថា ក្រុមការងារជាន់ខ្ពស់ Tesla ទាំងមូលកំពុងស៊ើបអង្កេតលើករណីដែលមិនធ្លាប់កើតមាននេះ៕
ដោយ៖ ឈាង
-
ព័ត៌មានអន្ដរជាតិ៥ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម១ សប្តាហ៍ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៥ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៦ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៤ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៣ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ សប្តាហ៍ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា៥ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi