ជីវិតកម្សាន្ដ

វិថីសិល្បៈ៩ឆ្នាំដែល Zhao Lusi តស៊ូខ្លាំង ទម្រាំក្លាយជាតារាល្បីប្រចាំប្រទេសចិន

បានផុស

៧ ខែ មុន

នៅ

ថ្ងៃព្រហស្បតិ៍ ២ មករា ២០២៥

ដោយ

ជីវិតក្នុងឧស្សាហកម្មកម្សាន្តចិនរបស់ Zhao Lusi មិនបានស្អាត និងផ្អែមល្ហែមដូចមុខមាត់របស់នាងឡើយ។ ទម្រាំតែបានល្បីល្បាញក្លាយជាតារាជួរមុខប្រចាំប្រទេសចិន នាងបានតស៊ូនិងឆ្លងកាត់ធ្វើសវនកម្មច្រើនកន្លែងក៏ដូចជាជួបរឿងខកចិត្តជាច្រើនដង ប៉ុន្តែនៅទីបំផុតដោយការខិតខំប្រឹងប្រែងនិងភាពស្រស់ស្អាត ទើបធ្វើឲ្យតារាសម្ដែងទទួលបានជោគជ័យដូចសព្វថ្ងៃនេះ។

ជីវិតមុនពេលចូលប្រឡូកក្នុងវិស័យសិល្បៈ

មានឈ្មោះថា Zhao Lusi កើតក្នុងថ្ងៃទី ០៩ ខែវិច្ឆិកា ឆ្នាំ១៩៩៨ នៅ Chengdu ខេត្ត Sichuan ប្រទេសចិន។ កាលពីកុមារភាពដល់វ័យជំទង់ នាងត្រឹមតែជាក្មេងស្រីនិងប្រើជីវិតរស់នៅធម្មតាម្នាក់ប៉ុណ្ណោះ។ ទោះបីជានាងជានិស្សិតផ្នែករចនាម៉ូដក៏ដោយ នៅសាកលវិទ្យាល័យ Mingdao ក្នុងតៃវ៉ាន់ក៏ដោយ។ នៅក្នុងយុវភាពជាសិស្ស នាងបានប្រើជីវិតជាមនុស្សម្នាក់ដែលទិញនិងលក់នំប៉ាវនៅក្នុងតំបន់មួយដែលស្រដៀងនឹងអាហារដ្ឋាននៅសាកលវិទ្យាល័យ។ បើទោះបីជារូបភាពនេះ មិនត្រូវបានបុគ្គលម្នាក់បញ្ជាក់ ថាជារូបភាពរបស់នាងពិត ឬអត់ក៏ដោយ។ ប៉ុន្តែមានមនុស្សនៅលើបណ្ដាញសង្គមបញ្ជាក់ថា នាងពិតជាធ្លាប់លក់នំប៉ាវនៅសកលវិទ្យាល័យ ហើយនាងក៏លក់វាទៅឲ្យសាស្ត្រាចារ្យនៅសកលវិទ្យាល័យផងដែរ។

ជីវិតនៅក្នុងឧស្សាហកម្មកម្សាន្តដែលជាកន្លែងដែលតារាស្រីត្រកូល Zhao ត្រូវតែតស៊ូនិងជម្នះឧបសគ្គ

មែនទែនទៅ Zhao Lusi បានចាប់ផ្តើមចូលប្រឡូកក្នុងវិស័យសិល្បៈតាំងពីអាយុ ១៧ ឆ្នាំមក ដោយបានចូលរួមក្នុងកម្មវិធីសវនកម្មតារាចម្រៀងរបស់ Mango TV Super Girl ក្នុងឆ្នាំ ២០១៦ ប៉ុន្តែមិនត្រូវបានជ្រើសរើសទេ។ ក្រោយមកនាងបានងាកមកសម្ដែងវិញ។ ដំបូងឡើយនាងបានដើរតួជាគិលានុបដ្ឋាយិកាក្នុងរឿង «City of Rock» ។

ដោយសារតែបែបនេះហើយទើបនាងស្រវ៉ាបានចាប់យកគ្រប់ឱកាសដែលចូលមកក្នុងវិស័យកម្សាន្តវិញ។ មិនថាជាតួនាទីធំ ឬតូច រួមទាំងការធ្វើសវនកម្មនៅច្រើនកន្លែង និងច្រើនដងត្រូវខកចិត្តដែលមិនត្រូវបានគេជ្រើសរើស។ ប៉ុន្តែនាងមិនបានបោះបង់ចោលទេ។ ក្នុងចិត្តនៅតែទន្ទឹងរង់ចាំការសវនកម្ម ដើម្បីប្រកួតប្រជែងជាមួយតារាថ្មីក្នុងឧស្សាហកម្មកម្សាន្តដ៏អស្ចារ្យនៅក្នុងប្រទេសចិន។

សំណាងមួយរបស់នាងវាជាបុគ្គលិកលក្ខណៈនៃមនុស្សប្រឹងប្រែងតស៊ូមិនបោះបង់ ដែលទំនងជាទទួលពីម្តាយ។ កាលណោះ Lusi ធ្លាប់និយាយនៅក្នុងបទសម្ភាសន៍មួយថា ម្ដាយតឹងរ៉ឹងខ្លាំងកាលនាងនៅក្មេង គាត់ចិញ្ចឹមនាងតាមរបៀបដែលអនុញ្ញាតឲ្យនាងមើលថែខ្លួនឯង បើនាងចង់ទៅចូលរួមសវនកម្ម ឬការប្រកួតណាមួយត្រូវតែទៅដោយខ្លួនឯង។

មិនត្រឹមប៉ុណ្ណឹងទេ គាត់បន្តជំរុញកូនស្រីឲ្យប្រឈមមុខនឹងពិភពខាងក្រៅដោយខ្លួនឯង។ នោះប្រហែលជាធ្វើឲ្យនាងមានអារម្មណ៍លំបាក ហើយប្រៀបធៀបខ្លួននាងទៅនឹងកុមារដទៃទៀតកាលនាងនៅក្មេង ។ ប៉ុន្តែនាងនៅតែតស៊ូ និងប្រឹងរស់គ្រប់ពេលវេលា។ បន្ទាប់ពីនាងបានទទួលជោគជ័យក្នុងជីវិត តារាស្រីរូបនេះស្រាប់តែមានអារម្មណ៍ថា ដូចជាម្ដាយកំពុងព្យាយាមតុបតែងខ្លួនសម្រាប់នាងកាលពីក្មេង។

រហូតដល់ឆ្នាំ ២០១៨ Zhao Lusi បានដើរតួក្នុងរឿង Untouchable Lovers ដែលជាតួនាទីដំបូងរបស់ Lu Si ជាតួមានចិត្តអាក្រក់។ ប៉ុន្តែការសម្តែងដែលធ្វើឲ្យនាងមានកេរ្តិ៍ឈ្មោះល្បីល្បាញមកពីរឿងភាគ Oh! My Emperor ដែលដើរតួជា Luo Feifei ទល់មុខ Gu Jiacheng និង Xiao Zhan នាងក៏ទទួលបានពានរង្វាន់អ្នកថ្មីពី Golden Bud – The Third Network Film And Television Festival ក្នុងឆ្នាំ ២០១៩ ផងដែរ។

ដោយសារតែភាពប្រឹងប្រែងនិងក្លាហានរបស់នាងទើបធ្វើឲ្យ Zhao Lusi ក្លាយជាតារាសម្តែងមួយរូបនៅក្នុងផលិតកម្ម Yinhekuyu Media នាងក៏ជាតារាសម្តែងដែលមានជំនាញសម្តែងដ៏ល្អ ដោយអាចសម្ដែងគ្រប់តួយ៉ាងល្អឥតខ្ចោះ មិនថាតួសុភាព កំសត់ ឬតួកំប្លែងនោះទេ។ នាងចាប់យករាល់ឱកាសដែលបង្ហាញដល់នាងដោយភាពឧស្សាហ៍ព្យាយាម និងការតាំងចិត្ត ទើបអាចទទួលបានជោគជ័យយ៉ាងឆាប់រហ័សក្នុងវិស័យកម្សាន្តមកដល់បច្ចុប្បន្ន។

ភាពល្បីល្បាញនិងស្រស់ស្អាតរបស់ Zhao Lusi បានធ្វើឲ្យម៉ាកយីហោជាច្រើនបានកក់នាងទុកដើម្បីផ្សាយពាណិជ្ជកម្មដូចជា Perfect Diary, GUERLAIN, Bulgari, M.A.C, Skechers, Hogan, Melissa, YoyiC, Lay’s, Colgate, Care Bears, Pepsi ជាដើម៕