ព័ត៌មានជាតិ
បច្ចេកវិទ្យាទំនើបៗចុងក្រោយរបស់ពិភពលោក នឹងយកទៅបំពាក់ប្រើប្រាស់ នៅអាកាសយានដ្ឋានអន្តរជាតិតេជោ
ខណៈដែលដំណើរការសាងសង់អាកាសយានដ្ឋានអន្តរជាតិតេជោសម្រេចបានប្រមាណ ៩៤% បើតាមមន្ត្រីអាកាសយានដ្ឋានអន្តរជាតិតេជោបានបង្ហើបឲ្យដឹងថា សម្រាប់ដំណើរការនៅអាកាសយានដ្ឋានអន្តរជាតិតេជោ នឹងនាំមកជាមួយការបំពាក់បច្ចេកវិទ្យាទំនើបស៊េរីចុងក្រោយ ដើម្បីសម្រួលនិងបម្រើមុខងារប្រតិបត្តិការក្នុងអាកាសយានដ្ឋាន។
ផ្តល់បទសម្ភាសន៍ដល់ក្រុមអ្នកសារព័ត៌មាន ក្នុងឱកាសដឹកនាំគណៈប្រតិភូទូតរបស់ប្រទេសហ្វីលីពីន និងអូស្ត្រាលីចុះមកទស្សនកិច្ចនៅអាកាសយានដ្ឋានអន្តរជាតិតេជោកាលពីរសៀលម្សិលមិញនេះ លោកឧកញ៉ា ឆារស៍ វ៉ាន់ នាយកគ្រប់គ្រងនៃក្រុមហ៊ុន ខេមបូឌា អ៊ែរផត អ៊ិនវេសមិន (CAIC) បានឲ្យដឹងថា ការនាំយកបច្ចេកវិទ្យាទំនើបៗបង្ហាញពីការធ្វើទំនើបកម្មនៅអាកាសយានដ្ឋានអន្តរជាតិតេជោ ដែលត្រូវបានដឹងថាជាអាកាសយានដ្ឋានដ៏ធំបំផុតមួយនៅលើពិភពលោក។
លោកឧកញ៉ា ឆារស៍ វ៉ាន់ បានបញ្ជាក់ថា «បច្ចេកវិទ្យាដែលយើងនឹងយកមកបំពាក់សម្រាប់ប្រតិបត្តិការនៅអាកាសយានដ្ឋានអន្តរជាតិតេជោ សឹងតែទំនើបនិងស៊េរីចុងក្រោយរបស់ពិភពលោកដូចជា បច្ចេកវិទ្យា AVGS សម្រាប់សម្រួលការចូលចតដោយស្វ័យប្រវត្តិរបស់យន្តហោះ»។
ពាក់ព័ន្ធដំណើរការសាងសង់អាកាសយានដ្ឋានអន្តរជាតិ លោកឧកញ៉ា ឆារស៍ វ៉ាន់ កិច្ចការធំៗស្ទើរតែបញ្ចប់ ១០០% នៅសល់តែការងារសេសសល់តិចតួចពាក់ព័ន្ធការរៀបចំដេគ័រ ដែលរំពឹងនឹងបញ្ចប់ក្នុងពេលដ៏ខ្លីខាងមុខនេះ ខណៈដែលតាមផែនការអាកាសយានដ្ឋានដ៏ធំរបស់កម្ពុជានេះ នឹងចាប់ផ្តើមបើកប្រតិបត្តិការហោះហើរជាផ្លូវការនៅអំឡុងខែកក្កដាខាងមុខនេះ៕
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៩ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម