កីឡា

សហព័ន្ធកីឡាបញ្ចស៊ីឡាត់ នឹងរៀបចំការប្រកួតជើងឯកថ្នាក់ជាតិលើកដំបូង

បានផុស

៤ សប្តាហ៍ មុន

នៅ

ថ្ងៃព្រហស្បតិ៍ ៦ មីនា ២០២៥

ដោយ

តំណាងសហព័ន្ធកីឡាបញ្ចស៊ីឡាត់កម្ពុជាបានបញ្ជាក់ពីការរៀបចំការប្រកួតជ្រើសរើសជើងឯកថ្នាក់ជាតិ លើកទី១ ប្រចាំឆ្នាំ២០២៥ នៅថ្ងៃទី៧-៨ ខែមីនា នៅសកលវិទ្យាល័យភូមិន្ទភ្នំពេញ។

កម្មវិធីប្រកួត

បើតាមការឲ្យដឹងពីលោក អ៊ូ តារា អគ្គលេខាធិការសហព័ន្ធខាងលើបានឲ្យដឹងថា ការប្រកួតជើងឯកថ្នាក់ជាតិនេះជាលើកទី១ ហើយដែលសហព័ន្ធគ្រោងរៀបចំឡើង។ សម្រាប់ការប្រកួតនេះមានសមាគម ក្លឹប សរុបចំនួន២២ និងប្រតិភូ គ្រូបង្វឹក កីឡាករ កីឡាការិនីមានប្រមាណ ១៥៣រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូ តារា អគ្គលេខាធិការ

ដោយសារសហព័ន្ធថ្មីថ្មោងនៅឡើយ ដូច្នេះរាល់ការចំណាយផ្សេងៗលើការប្រកួតនេះជាការរ៉ាប់រងទាំងស្រុងរបស់សហព័ន្ធផ្ទាល់។ ចំពោះគោលបំណង នៃការរៀបចំឲ្យមានការប្រកួតនេះឡើងគឺសម្រួចសមត្ថភាពកីឡាករ កីឡាការិនី និងស្វែងរកនូវធនធានល្អៗបន្ថែមទៀតដើម្បីចូលហ្វឹកហាត់ត្រៀមការប្រកួតអន្តរជាតិនានាពិសេស កីឡាស៊ីហ្គេម លើកទី៣៣ ចុងឆ្នាំ២០២៥ នៅប្រទេសថៃ។

រូបភាពលើផេកសហព័ន្ធបញ្ចស៊ីឡាត់

បញ្ជាក់ដែរថា ការប្រកួតរបស់សហព័ន្ធកីឡាបញ្ចស៊ីឡាត់កម្ពុជានេះនឹងធ្វើឡើងរយៈពេល ២ថ្ងៃគឺចាប់ពីថ្ងៃទី៧ ដល់ ៨ ខែមីនា ឆ្នាំ២០២៥ នៅសាលដំបូលទូកការ៉ាតេ នៃសកលវិទ្យាល័យភូមិន្ទភ្នំពេញ ដោយមាន១៥វិញ្ញាសា។ បញ្ចស៊ីឡាត់នេះជាប្រភេទកីឡាថ្មីដែលទើបមកកាន់កម្ពុជារយៈពេលប៉ុន្មានឆ្នាំចុងក្រោយ និងជាប្រភេទកីឡាមានដើមកំណើតពីប្រទេសឥណ្ឌូណេស៊ី៕