ព័ត៌មានអន្ដរជាតិ
សេដ្ឋវិទូ៖ ហានិភ័យនៃការធ្លាក់ចុះសេដ្ឋកិច្ចសកលកើនឡើង ជុំវិញពន្ធ
លទ្ធផលស្ទង់មតិរបស់ទីភ្នាក់ងាសារព័ត៌មានរ៉យទ័រ បានបង្ហាញថា អ្នកសេដ្ឋវិទូភាគច្រើនយល់ថា ហានិភ័យគឺខ្ពស់ ដែលសេដ្ឋកិច្ចសកលនឹងធ្លាក់ចុះនៅឆ្នាំនេះ ដោយសារតែគោលនយោបាយពន្ធគយរបស់ប្រធានាធិបតីអាមេរិក លោក ដូណាល់ ត្រាំ ដែលធ្វើឱ្យទំនុកចិត្តអាជីវកម្មធ្លាក់ចុះ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការស្ទង់មតិរបស់រ៉យទ័រ ធ្វើឡើងលើក្រុមសេដ្ឋវិទូជាង ៣០០ នាក់មកពី ៥០ ប្រទេស ចន្លោះពីថ្ងៃទី ១-២៨ មេសា។ ហើយកាលពី៣ខែមុន ក្រុមនេះបានរំពឹងថា សេដ្ឋកិច្ចពិភពលោកនឹងកើនឡើងក្នុងកំណើនរឹងមាំ និងមានស្ថិរភាព។
នៅពេលសួរអំពីហានិភ័យនៃការធ្លាក់ចុះនៃសេដ្ឋកិច្ចសកលនៅឆ្នាំនេះ ៦០ ភាគរយនៃសេដ្ឋវិទូ (សេដ្ឋវិទូ ១០១/១៦៧ នាក់) បាននិយាយថា វាមានកម្រិតខ្ពស់ ឬខ្ពស់ណាស់។ ៦៦ នាក់ និយាយថា វាមានហានិភ័យទាប និង ៤ នាក់ និយាយថា វាទាបខ្លាំងណាស់។ សេដ្ឋវិទូមើលឃើញថា ក្នុងស្ថានភាពបច្ចុប្បន្ន វាពិបាកក្នុងការមានសុទិដ្ឋិនិយមអំពីកំណើនសេដ្ឋកិច្ច។
គោលនយោបាយពន្ធរបស់ ត្រាំ បានផ្លាស់ប្ដូរខ្សែច្រវ៉ាក់ពាណិជ្ជកម្មសកល ដោយដាក់ពន្ធស្ទើរគ្រប់មុខទំនិញនាំចូលទាំងអស់ ដែលបង្កការប៉ះពាល់ដល់ទីផ្សារហិរញ្ញវត្ថុ បាត់បង់តម្លៃទីផ្សារភាគហ៊ុនរាប់ពាន់លានដុល្លា និងធ្វើឱ្យរង្គោះរង្គើទំនុកចិត្តរបស់អ្នកវិនិយោគលើទ្រព្យសកម្មរបស់សហរដ្ឋអាមេរិក។
លោក ត្រាំ បានដាក់ពន្ធគយបដិការចន្លោះពី ១០-៥០ ភាគរយ លើប្រទេសផ្សេងៗក្នុងអត្រារៀងៗខ្លួន ជុំវិញពិភពលោក នៅដើមខែមេសា មុនពេលផ្អាកវាជាបណ្ដោះអាសន្នសិន រហូតដល់ខែកក្កដា។ ចំពោះចិន លោកបានដាក់ពន្ធជាបន្តបន្ទាប់រហូតដល់ ១៤៥ ភាគរយ ហើយចិនឆ្លើយតបវិញ ដោយដាក់ពន្ធ ១២៥ ភាគរយ លើទំនិញអាមេរិក។
លោក James Rossiter ប្រធានយុទ្ធសាស្រ្តម៉ាក្រូសកលនៅក្រុមហ៊ុនសេវាកម្មហិរញ្ញវត្ថុ TD Securities បាននិយាយថា៖ «វាពិបាករួចទៅហើយសម្រាប់ឱ្យក្រុមហ៊ុនគិតគូរពីខែកក្កដា ពីព្រោះពួកគេមិនដឹងថាតើពន្ធគយបដិការនឹងទៅជាយ៉ាងណានោះទេ»។ លោកបន្តថា កុំថាឡើយការធ្វើផែនការសម្រាប់ឆ្នាំក្រោយ ផែនការ ៥ ឆ្នាំទៅមុខទៀត គឺកាន់តែពិបាក។
កន្លងមក ដោយសារតែភាពមិនច្បាស់លាស់ទាំងអស់នេះ និងពន្ធខ្ពស់ខ្លាំង អាជីវកម្មសកលជាច្រើនបានកាត់បន្ថយ ឬដកការព្យាករស្ដីពីប្រាក់ចំណូលរបស់ពួកគេ។
បើតាមលទ្ធផលនៃការស្ទង់មតិ គ្មានសេដ្ឋវិទូណាមួយជឿថា វិធានការពន្ធគយមានភាពវិជ្ជមានលើទំនុកចិត្តអាជីវកម្មនោះទេ ដោយ ៩២ ភាគរយ នៃពួកគេលើកឡើងពីភាពអវិជ្ជមាន និង ៨ ភាគរយ លើកឡើងពីតុល្យភាព ដែលភាគច្រើនមកពីឥណ្ឌា និងបណ្ដាប្រទេសមានទីផ្សារកំពុងរីកចម្រើនផ្សេងទៀត។
សេដ្ឋវិទូ ៣/៤ បានកាត់បន្ថយការព្យាករកំណើនសេដ្ឋកិច្ចសកលឆ្នាំ ២០២៥ របស់ខ្លួន ជាមធ្យមមកត្រឹម ២,៧ ភាគរយ ធៀបនឹងការព្យាករ ៣ ភាគរយ នៅខែមករា។ ថ្មីៗនេះ មូលនិធិរូបិយវត្ថុអន្តរជាតិ (IMF) បានទម្លាក់ការព្យាកររបស់ខ្លួនដូចគ្នាមកនៅត្រឹម ២,៨ ភាគរយ៕
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ