ព័ត៌មានអន្ដរជាតិ
នាយករដ្ឋមន្រ្តីថៃ បង្ហើបពីលទ្ធភាពនៃការចរចាពន្ធ «សម្ងាត់» ជាមួយអាមេរិក
នាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត្រ បានបង្ហើបថា ការចរចាសម្ងាត់ជាមួយសហរដ្ឋអាមេរិក គឺជាលទ្ធភាពដែលអាចធ្វើទៅបានមួយ អំពីបញ្ហាពន្ធគយបដិការ។ នេះបើតាមការចុះផ្សាយរបស់កាសែតបាងកកប៉ុស្តិ៍។
លោកស្រី ផែថងថាន បាននិយាយថា រដ្ឋាភិបាលថៃកំពុងធ្វើការពិភាក្សាក្រៅផ្លូវការជាមួយតំណាងពាណិជ្ជកម្មអាមេរិក ដើម្បីមើលពីអ្វីដែលអាមេរិកចង់បានពីប្រទេសថៃ។
លោកស្រីថ្លែងក្នុងកម្មវិធីទូរទស្សន៍ថ្មី «ពង្រឹងអំណាចប្រជាជនថៃជាមួយនាយករដ្ឋមន្រ្តី ផែថងថាន» កាលពីថ្ងៃអាទិត្យថា៖ «យើងកំពុងព្យាយាមកែតម្រូវដើម្បីធានាថា ការពិភាក្សាផ្តល់លទ្ធផលឈ្នះ-ឈ្នះ»។ កម្មវិធីទូរទស្សន៍នោះ មានគោលបំណងបង្ហាញអំពីសកម្មភាពថ្មីៗ និងផែនការអនាគតរបស់រដ្ឋាភិបាល។
លោកស្រី ផែថងថាន បានលើកឡើងថា បញ្ហាមួយចំនួនក្នុងកិច្ចពិភាក្សាជាមួយអាមេរិក មិនអាចបង្ហាញជាសាធារណៈបានទេ។ លោកស្រីបាននិយាយយ៉ាងដូច្នេះថា៖ «វាទំនងជាកិច្ចព្រមព្រៀងឯកជនមួយ ហើយយើងកំពុងពិភាក្សាលម្អិតអំពីអ្វីដែលវាអាចសម្រេចបាន និងរបៀបដែលវាអាចបត់បែនបាន»។
យ៉ាងណាមិញ លោកស្រីបន្ថែមយ៉ាងដូច្នេះថា៖ «កិច្ចសហការសម្ងាត់ណាមួយ មិនអាចត្រូវបានបង្ហាញឱ្យដឹងបានទេ ខណៈប្រទេសផ្សេងទៀតដែលកំពុងពិភាក្សាជាមួយសហរដ្ឋអាមេរិកនឹងដឹង ហើយការប្រៀបធៀបនឹងមាន ហើយភាពចលាចលនឹងកើតឡើងទៅតាមនោះដែរ»។
នាយករដ្ឋមន្រ្តីថៃដដែល បានអះអាងថា៖ «គ្រប់ប្រទេសក្នុងកិច្ចចរចាទ្វេភាគីជាមួយសហរដ្ឋអាមេរិក រួមទាំងថៃ កំពុងតែព្យាយាមចរចាសម្ងាត់ជាមួយសហរដ្ឋអាមេរិក ហើយនេះមិនមែនជារឿងអាក្រក់នោះទេ។ ប្រទេសមួយៗក៏ធ្វើបែបនេះដែរ គ្រាន់តែពួកគេមិននិយាយអំពីវាខ្លាំងៗ»។ លោកស្រីគូសបញ្ជាក់ថា ការចរចារវាងថៃ ដែលរងពន្ធ ៣៦ ភាគរយ នឹងមិនប្រញាប់ប្រញាល់ទេ ពោលគឺធ្វើឡើងក្នុងរយៈពេល ៩០ ថ្ងៃ ដែលអាមេរិកពន្យារពេលអនុវត្តពន្ធគយបដិការរហូតដល់ដើមខែកក្កដា។
គួររំឭកថា រដ្ឋាភិបាលថៃបានពន្យារពេលចរចាជាមួយសហរដ្ឋអាមេរិកជុំវិញបញ្ហាពន្ធ បន្ទាប់ពីមន្ត្រីថៃនៅអាមេរិកបានជូនដំណឹងដល់លោកស្រី ផែថងថាន ឱ្យមន្រ្តីថៃពិនិត្យមើលបញ្ហាជាក់លាក់មួយចំនួនដែលនឹងលើកឡើងក្នុងការចរចា។
គ្មានការរាយការណ៍ណាមួយ បង្ហាញថាបញ្ហាទាំងនោះមានអ្វីខ្លះនោះទេ។ ប៉ុន្តែកន្លងមក ក្រៅពីបញ្ហាអតុល្យភាពពាណិជ្ជកម្ម ការចាប់ខ្លួនសាស្ត្រាចារ្យជនជាតិអាមេរិកម្នាក់ឈ្មោះ Paul Chambers ពីបទចោទប្រកាន់ប្រមាថព្រះមហាក្សត្រថៃ គឺជាឧបសគ្គមួយដែលធ្វើឱ្យការចរចាទ្វេភាគីត្រូវជាប់គាំង៕
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម