Kroos ចុចឈ្មោះកីឡាករ Barcelona ម្នាក់ សំខាន់ជាង Yamal, Raphinha, Lewandowski

វីរបុរស Real Madrid លោក Toni Kroos បានចាត់ទុកខ្សែបម្រើ Pedri ជាកីឡាករដ៏សំខាន់បំផុតរបស់ Barcelona បច្ចុប្បន្ន ពោលគឺសំខាន់ជាង Lamine Yamal, Raphinha និង Robert Lewandowski ទៅទៀត។

Kross បានបង្ហាញការកោតសរសើរជាខ្លាំង លើ Pedri ហើយលោកក៏បានលើកឡើងយ៉ាងគួរឱ្យចាប់អារម្មណ៍ ថាយុវជនវ័យ ២២ ឆ្នាំរបស់ Barcelona រូបនេះជាកីឡាករល្អបំផុតក្នុងពិភពលោកនាពេលបច្ចុប្បន្ន នៅក្នុងតំណែងរបស់គេផងដែរ។

ដកស្រង់ពាក្យសម្តីដើមចេញពី Managing Barca ខ្សែបម្រើសញ្ជាតិ អាល្លឺម៉ង់ វ័យ ៣៤ ឆ្នាំបាននិយាយយ៉ាងដូច្នេះថា៖ «នៅក្នុងក្រសែភ្នែករបស់ខ្ញុំ Pedri ជាកីឡាករម្នាក់ ដែលសំខាន់ជាង Lamine Yamal, Raphinha ឬ Lewandowski ទៅទៀត។… Pedri គឺជាកីឡាករបច្ចុប្បន្ន ដែលល្អបំផុតនៅលើពិភពលោក ក្នុងតំណែងរបស់គាត់»។

គួរដឹងថា Pedri នៅរដូវកាលនេះ កំពុងក្លាយជាកម្លាំងស្នូលដ៏សំខាន់របស់ Barcelona ដោយរូបគេបង្ហាញខ្លួនសរុបបានចំនួន ៥៤ ប្រកួត រកបានគ្រាប់បាល់ចំនួន ៦ គ្រាប់ និង assist ចំនួន ៧ លើក៕

ប្រែសម្រួល៖ សេម កុសល
ប្រភព៖ Sportskeeda