ព័ត៌មានអន្ដរជាតិ
Macron ចាប់ផ្តើមទស្សនកិច្ចផ្លូវរដ្ឋនៅ វៀតណាម ជាមួយការចុះហត្ថលេខាលើកិច្ចព្រមព្រៀងសំខាន់ៗ
ប្រធានាធិបតីបារាំង Emmanuel Macron បានមកដល់ប្រទេសវៀតណាម កាលពីរាត្រីថ្ងៃអាទិត្យទី២៥ខែឧសភាឆ្នាំ២០២៥ ដើម្បីចាប់ផ្តើមដំណើរទស្សនកិច្ចផ្លូវរដ្ឋជាផ្លូវការលើកដំបូង ជាមួយក្តីសង្ឃឹមថា នឹងចុះហត្ថលេខាលើកិច្ចព្រមព្រៀងចំនួន៣០ គោលបំណងជំរុញកិច្ចសហប្រតិបត្តិការក្នុងវិស័យជាច្រើនរួមមាន អាកាសចរណ៍ ថាមពលនុយក្លេអ៊ែរ ផ្លូវដែក ការកកើតឡើងវិញ ស្រាវជ្រាវ ផ្កាយរណបនិងវិស័យការពារជាតិ។

ក្រៅពីអមដំណើរដោយភរិយាលោកស្រី Brigitte ហើយនោះ គេក៏ឃើញនាយកប្រតិបត្តិអាជីវកម្មជាច្រើននាក់ មកជាមួយ លោក Macron ផងដែរនៅឯអាកាសយានដ្ឋានអន្តរជាតិ Noi Bai។
មកដល់វៀតណាមមិនបានប៉ុន្មានម៉ោងផង លោក Macron និងភរិយា ក៏បានដើរទស្សនាជុំវិញបឹង Hoan Kiem និងទស្សនាប្រាសាទ Ngoc Son ទាំងយប់តែម្តង។

នៅថ្ងៃចន្ទ លោក Macron នឹងជួបជាមួយថ្នាក់ដឹកនាំកំពូលវៀតណាម ក្នុងរដ្ឋធានីហាណូយ និងបុគ្គលសំខាន់ៗក្នុងវិស័យថាមពលនៅថ្ងៃអង្គារ ខណៈលោកក៏ទំនងជាពិភាក្សាអំពីបញ្ហានុយក្លេអ៊ែរផងដែរ។
ជុំវិញដំណើរទស្សនកិច្ចរបស់លោក Macron, ឯកអគ្គរដ្ឋទូតបារាំងប្រចាំនៅវៀតណាម Olivier Brochet បានសង្កត់ធ្ងន់ថា នេះគឺជាដំណើរទស្សនកិច្ចដ៏សំខាន់ក្នុងទំនាក់ទំនងបារាំង-វៀតណាម។
លោក Brochet បញ្ជាក់យ៉ាងដូច្នេះថា៖«យើងសង្ឃឹមថា ដំណើរទស្សនកិច្ចលើកនេះ ផ្អែកលើមូលដ្ឋាននៃការជឿទុកចិត្ត នឹងពង្រឹងទំនាក់ទំនងទ្វេភាគីលើវិស័យនយោបាយ សេដ្ឋកិច្ច ការស្រាវជ្រាវវិទ្យាសាស្ត្រ ការអប់រំ វប្បធម៌ និងវិស័យការពារជាតិ»។

ទោះបីជាយ៉ាងណាក៏ដោយ ប្រធានបទសំខាន់មួយនៃការទស្សនកិច្ចនេះ គឺការគាំទ្ររបស់បារាំងចំពោះការផ្លាស់ប្តូរថាមពលរបស់វៀតណាម។ កិច្ចព្រមព្រៀងដ៏សំខាន់មួយត្រូវបានគេរំពឹងទុក រវាងទីភ្នាក់ងារអភិវឌ្ឍន៍បារាំង (AFD) និងសាជីវកម្មបញ្ជូនថាមពលជាតិវៀតណាម ដើម្បីសាងសង់ខ្សែបញ្ជូនថ្មី។ នេះគឺជាផ្នែកមួយនៃការគាំទ្ររបស់បារាំងចំពោះការអនុវត្តភាពជាដៃគូផ្លាស់ប្តូរថាមពលដោយយុត្តិធម៌ (JETP) របស់វៀតណាម។
សូមជម្រាបថា បន្ទាប់ពីទស្សនកិច្ចនៅវៀតណាម លោក Macron នឹងបន្តដំណើរទៅប្រទេសឥណ្ឌូណេស៊ីនិងសិង្ហបុរី។ នៅសិង្ហបុរី លោកគ្រោងនឹងថ្លែងសុន្ទរកថាក្នុងកិច្ចប្រជុំ Shangri-La Dialogue ដែលជាជំនួបកំពូលការពារជាតិរបស់អាស៊ី។ នៅទីនោះលោកនឹងប្រកាសអំពីជំហររបស់អឺរ៉ុបចំពោះជម្លោះជាសកល និងសង្កត់ធ្ងន់លើការប្តេជ្ញាចិត្តរបស់បារាំង ចំពោះកិច្ចសហប្រតិបត្តិការអន្តរជាតិ និងពាណិជ្ជកម្ម៕
អត្ថបទ៖ សុខ សុវណ្ណ
ចុចអាន៖ របៀបវារៈសំខាន់បំផុត ២ នឹងត្រូវពិភាក្សា ក្នុងដំណើរទស្សនកិច្ចផ្លូវរដ្ឋលើកដំបូងរបស់ Macron នៅ វៀតណាម

-
ព័ត៌មានជាតិ២ ថ្ងៃ ago
សពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៧ ថ្ងៃ ago
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម៥ ថ្ងៃ ago
ជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
សន្តិសុខសង្គម២២ ម៉ោង ago
នគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម២៣ ម៉ោង ago
តុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៦ ថ្ងៃ ago
អតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
សន្តិសុខសង្គម៦ ថ្ងៃ ago
កម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច
-
ព័ត៌មានអន្ដរជាតិ៣ ថ្ងៃ ago
កូរ៉េខាងជើង យកតង់បាំងនាវាចម្បាំងដែលលិច