ព័ត៌មានអន្ដរជាតិ
អ៊ីរ៉ង់ចាត់ទុកការគំរាមវាយរោងចក្រនុយក្លេអ៊ែររបស់លោក ត្រាំ គឺជា«បន្ទាត់ក្រហម»
អ៊ីរ៉ង់ បានចេញការព្រមានយ៉ាងម៉ឺងម៉ាត់ឆ្លើយតបទៅនឹងការគំរាមកំហែងនាពេលថ្មីៗនេះរបស់ប្រធានាធិបតីអាមេរិក ដូណាល់ ត្រាំ ក្នុងការបំផ្លាញរោងចក្រនុយក្លេអ៊ែររបស់ខ្លួន ដោយចាត់ទុកសេចក្តីថ្លែងការណ៍នេះថាជា «បន្ទាត់ក្រហមដ៏ជាក់ស្ដែងមួយ» ដែលអាចនាំឲ្យមានផលវិបាកយ៉ាងធ្ងន់ធ្ងរ។
ទីភ្នាក់ងារព័ត៌មានក្រុងតេហេរ៉ង់ Fars News បានរាយការណ៍កាលពីថ្ងៃសុក្រទី៣០ខែឧសភាថា មន្ត្រីអ៊ីរ៉ង់ដែលមិនបញ្ចេញឈ្មោះមួយរូបបានសង្កត់ធ្ងន់ថា បើអាមេរិកស្វែងរកដំណោះស្រាយការទូត នោះត្រូវតែបោះបង់ចោលភាសាគំរាមកំហែង និងការដាក់ទណ្ឌកម្ម ដោយចាត់ទុកវោហាសាស្ត្របែបនេះថាជាអរិភាពបើកចំហប្រឆាំងនឹងផលប្រយោជន៍ជាតិរបស់អ៊ីរ៉ង់។
លោក ត្រាំ បាននិយាយនៅសេតវិមានកាលពីថ្ងៃពុធ ដោយបង្ហាញពីបំណងចង់បានកិច្ចព្រមព្រៀងនុយក្លេអ៊ែរដ៏រឹងមាំជាមួយអ៊ីរ៉ង់។ លោកបានគំរាមកំហែងម្ដងទៀត ក្នុងការទម្លាក់គ្រាប់បែកលើទីតាំងនុយក្លេអ៊ែររបស់អ៊ីរ៉ង់ បើកិច្ចខិតខំប្រឹងប្រែងការទូតបរាជ័យ។ យ៉ាងណាមិញ លោកបានប្រាប់ថា ការឈានដល់កិច្ចព្រមព្រៀងអ៊ីរ៉ង់នៅតែអាចធ្វើទៅបាននាពេលអនាគតដ៏ខ្លីខាងមុខ។
ភាពតានតឹងកាន់តែកើនឡើង បើទោះជាកំពុងមានកិច្ចចរចារវាងអាមេរិក និងអ៊ីរ៉ង់ជុំវិញកម្មវិធីនុយក្លេអ៊ែររបស់ទីក្រុងតេហេរ៉ង់ក៏ដោយ។ ខណៈលោក ត្រាំ បានបង្ហាញថា កិច្ចព្រមព្រៀងមួយនឹងអាចសម្រេចទៅរួច មន្រ្តីអ៊ីរ៉ង់នៅតែមានការប្រុងប្រយ័ត្នចំពោះវិធីសាស្រ្តរបស់រដ្ឋបាលអាមេរិក ជាពិសេសទាក់ទងនឹងលក្ខខណ្ឌនៃការចម្រាញ់សារធាតុអ៊ុយរ៉ាញ៉ូម។
បណ្ដាប្រទេសផ្សេងៗនៅក្នុងតំបន់មជ្ឈិមបូព៌ាក៏កំពុងសម្តែងការព្រួយបារម្ភផងដែរ។ រដ្ឋមន្ត្រីការពារជាតិអារ៉ាប៊ីសាអូឌីត ព្រះអង្គម្ចាស់ Khalid bin Salman ធ្លាប់បានផ្ញើសារសម្ងាត់មួយទៅកាន់ថ្នាក់ដឹកនាំអ៊ីរ៉ង់កាលពីខែមេសា ដោយជំរុញឲ្យពួកគេចូលរួមយ៉ាងយកចិត្តទុកដាក់ជាមួយនឹងការចរចានុយក្លេអ៊ែររបស់អាមេរិក ដើម្បីជៀសវាងការគំរាមកំហែងនៃការវាយប្រហារដ៏ខ្លាំងក្លាដោយយោធាអ៊ីស្រាអែល។ សារនោះបានសង្កត់ធ្ងន់លើភាពបន្ទាន់នៃការឈានដល់កិច្ចព្រមព្រៀងនុយក្លេអ៊ែរ ដោយបង្ហាញពីការអត់ធ្មត់មានកម្រិតរបស់លោក ត្រាំ សម្រាប់ការចរចាដែលអូសបន្លាយ។
កន្លងមក អ៊ីរ៉ង់ទទូចលើសិទ្ធិរបស់ខ្លួន ក្នុងការបង្កើនសារធាតុអ៊ុយរ៉ាញ៉ូមក្រោមសន្ធិសញ្ញាមិនរីកសាយភាយនុយក្លេអ៊ែរ ហើយទាមទារការបន្ធូរបន្ថយទណ្ឌកម្មជាដំណាក់កាល រួមជាមួយនឹងការធានាប្រឆាំងនឹងការដកខ្លួនពីកិច្ចព្រមព្រៀងរបស់អាមេរិកជាឯកតោភាគីនាពេលអនាគត។
សូមជម្រាបថា បច្ចុប្បន្ន អ៊ីរ៉ង់បន្តបង្កើនសារធាតុអ៊ុយរ៉ាញ៉ូមរហូតដល់ភាពសុទ្ធ ៦០% លើសពីកម្រិតកំណត់ ៣,៦៧% ដែលធ្លាប់ចែងនៅក្នុងកិច្ចព្រមព្រៀងនុយក្លេអ៊ែរឆ្នាំ២០១៥ (JCPOA)។ ទីភ្នាក់ងារថាមពលអាតូមិកអន្តរជាតិ បានព្រមានថា អ៊ីរ៉ង់អាចឈានទៅដល់ការបន្សុទ្ធសារធាតុអ៊ុយរ៉ាញ៉ូមយ៉ាងលឿនដល់កម្រិត ៩០% ដែលជាកម្រិតអាចផលិតអាវុធប្រល័យលោកបាន៕
ដោយ៖ ឈាង
ចុចអាន៖ អារ៉ាប៊ីសាអូឌីតជំរុញឲ្យអ៊ីរ៉ង់ឆាប់ធ្វើកិច្ចព្រមព្រៀងនុយក្លេអ៊ែរ ខ្លាចត្រូវអ៊ីស្រាអែលវាយប្រហារ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត