Taylor Swift ដាក់ពាក្យបណ្តឹង ក្រោយបុរសម្នាក់តាមយាយីនាងជាច្រើនឆ្នាំ

សារព័ត៌មាន TMZ បានរាយការណ៍ថា Taylor Swift បានដាក់ពាក្យបណ្តឹងទៅតុលាការកាលពីថ្ងៃទី៦ ខែមិថុនា ដោយសុំឲ្យមានដីការារាំងប្រឆាំងនឹងបុរសអាយុ ៤៥ ឆ្នាំម្នាក់ ឈ្មោះ Brian Jason Wagner មកពីរដ្ឋ Colorado សហរដ្ឋអាមេរិក។ ជន​នេះ​ត្រូវ​បាន​ចោទ​ប្រកាន់​ពី​បទ​យាយី​តារា​ចម្រៀង​ស្រី​កើត​ឆ្នាំ ១៩៨៩ អស់​ជា​ច្រើន​ឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឯកសារតុលាការ Taylor Swift បានចោទប្រកាន់ជនសង្ស័យ Wagner ដែលមកផ្ទះរបស់តារាស្រីដោយមិនបានអញ្ជើញជាច្រើនដង និងប្រឌិតរឿងអំពីនាងជាម្តាយរបស់កូនគាត់ថែមទៀតផង។

យោងតាមទំព័រ ​​Page Six ម្ចាស់បទ Blank Space បាននិយាយថា Wagner បានមកផ្ទះរបស់នាងដំបូងនៅទីក្រុង Los Angeles ក្នុងឆ្នាំ ២០២៤ បន្ទាប់មកបានត្រឡប់មកវិញជាច្រើនដងក្នុងខែកក្កដា ឆ្នាំដដែល។ បុរសនោះថែមទាំងកាន់ដបកែវមួយ មានរូបរាងដូចជាអាវុធមកជាមួយដែរ។

Wagner បានបន្តបង្ហាញខ្លួននៅខាងក្រៅផ្ទះរបស់ Taylor ជាច្រើនថ្ងៃជាប់ៗគ្នាក្នុងខែឧសភា។ គាត់​បាន​សុំ​ជួប​តារា​ចម្រៀង ហើយ​ប្រាប់​សន្តិសុខ​ថា គាត់​ចង់​ចូល​ទៅ​ខាង​ក្នុង​ដើម្បី​សួរសុខទុក្ខ​មិត្តភ័ក្ដិ។ Taylor បាន​អះអាង​ថា​ការ​អះអាង​របស់ Wagner គឺមិន​ពិតទាំងស្រុង។

ក្រោយ​ការ​ស៊ើបអង្កេត ក្រុម​សន្តិសុខ​បាន​ដឹង​ថា លោក Wagner តាមពិតនៅក្នុង​ពន្ធនាគារ។ ជារឿយៗ លោកបានសរសេរសំបុត្រវែងៗទៅកាន់តារាចម្រៀងនៅក្នុងបន្ទប់ឃុំរបស់គាត់។ សំបុត្រនេះបានរៀបរាប់ពីភាពរំជើបរំជួលរបស់គាត់ជាមួយតារាស្រី ដែលជាទំនាក់ទំនងស្នេហាដែលមិនមានរវាងអ្នកទាំងពីរ និងការប្រឌិតផ្សេងទៀតអំពីជីវិតផ្ទាល់ខ្លួនរបស់តារាចម្រៀង។

កំណត់ត្រាបង្ហាញថា Wagner បានប្រើភាសារំខាន និងគំរាមកំហែង។ អាក្រក់ជាងនេះទៅទៀត គាត់បានកុហកនាយកដ្ឋានយានយន្តរដ្ឋកាលីហ្វ័រញ៉ា (DMV) ដើម្បីផ្លាស់ប្តូរអាសយដ្ឋាននៅលើប័ណ្ណបើកបររបស់គាត់ ទៅផ្ទះរបស់ Taylor ក្នុងទីក្រុង Los Angeles ។

ទោះជាយ៉ាងណាក៏ដោយ នេះមិនមែនជាលើកទីមួយទេដែល តារាចម្រៀងវ័យ៣៥ឆ្នាំ មានបញ្ហាជាមួយក្រុមមនុស្សលួចតាមដាននាង។ មនុស្ស​ជា​ច្រើន​នាក់​ត្រូវ​បាន​ចាប់​ខ្លួន ខណៈ​ដែល​ព្យាយាម​ចូល​ទៅ​ជិត​រូបតំណាង​ប៉ុប។ បុរសដែលត្រូវបានគេស្គាល់ថាជា David Crowe បានចាប់ខ្លួននៅទីក្រុងញូវយ៉កក្នុងខែមករាឆ្នាំ ២០២៤។ នៅពេលនោះ Crowe បានទៅផ្ទះរបស់នាង ទោះបីជាស្ថិតនៅក្រោមការឃុំខ្លួនក្នុងផ្ទះក៏ដោយ បន្ទាប់ពីត្រូវបានចោទប្រកាន់ពីបទបៀតបៀន និងតាមចាប់។

នៅខែកក្កដា ឆ្នាំ ២០២៤ ជនសង្ស័យប្រុសម្នាក់ទៀតត្រូវបានចាប់ខ្លួន មុនពេល Taylor បានឈប់នៅប្រទេសអាល្លឺម៉ង់ក្នុងកម្មវិធី The Eras Tour ។ គាត់​ត្រូវ​បាន​គេ​ចោទ​ប្រកាន់​ពី​បទ​គំរាម​កំហែង​តារា​ចម្រៀង និង​មិត្ត​ប្រុស​របស់​នាង Travis Kelce៕

អត្ថបទ៖ សាង ស្រីល័ក្ខ

ចុចអាន៖ពីកំពូលតារា K-pop លំដាប់កំពូល Onew ក្រុម SHINee ប្រឈមរឿងអាស្រូវ រហូតបាត់បង់ឱកាស