ចៅសង្កាត់ចោមចៅទី១ ចុះណែនាំពលរដ្ឋកុំដាក់តាំងសម្ភារលក់ដូររំលោភចំណីផ្លូវ ជាពិសេសការចោលសំរាម

កាលពីព្រឹកថ្ងៃទី១២​ ខែមិថុនា​ ឆ្នាំ២០២៥​​ លោក​ កង​ វង​ ចៅសង្កាត់ចោមចៅទី១​ នៃរដ្ឋបាលខណ្ឌពោធិ៍សែនជ័យ​ បានដឹកនាំកម្លាំងចុះធ្វើរដ្ឋបាលតាមបន្ទប់ផ្ទះជួល និងណែរនាំដល់ប្រជាពលរដ្ឋ​មួយចំនួនយកសម្ភារៈដាក់លក់ដូរលើផ្លូវសាធារណៈបណ្តាលឲ្យមានការកកស្ទះចរាចណ៍។

លោក​ចៅសង្កាត់បានឲ្យឹងថា​ ការចុះធ្វើរដ្ឋបាល និងណែនាំនេះ បន្ទាប់ពីមើលឃេីញមានប្រជាពលរដ្ឋក្នុងមូលដ្ឋានមួយចំនួននៅមិនទាន់យល់ច្បាស់អំពីការទុកដាក់សម្ភារលក់ដូរតាមចិញ្ចេីមផ្លូវសាធារណៈ​ដែលបង្កការស្ទះចរាចរណ៍​ ជាពិសេសទៀតនោះ ប្រជាពលរដ្ឋមួយចំនួនក៏បានទាន់បានយល់ដឹងពីបញ្ហាបរិស្ថាន​ អនាម័យ​ បោះចោលសំរាមគ្មានសណ្តាប់ធ្នាប់​ ដែលធ្វើឲ្យសំរាមទាំងនេះហូរ រឺហេីរចូលប្រព័ន្ធលូបង្កជាការស្ទះចរន្តទឹកហូរ​ ដែលជាហេតុធ្វើឲ្យមានការជន់លិចនៅពេលមានភ្លៀងធ្លាក់មកម្ដងៗ។

ក្នុងពេលចុះណែនាំនេះ លោកចៅសង្កាត់ក៏បានព្រមានថា ក្នុងករណីមិនស្តាប់ការណែនាំទេនោះ រដ្ឋបាលសង្កាត់ នឹងផាកពិន័យតាមនិតិវិធីច្បាប់ដែលបានកុំណត់៕

អត្ថបទ៖ សុខា