ព័ត៌មានជាតិ

ចេកអំបូងលឿងខ្មែរអាចនាំចេញដល់ជប៉ុន បញ្ជាក់ពីស្តង់ដាសុវត្ថិភាពខ្ពស់ អាចនាំចេញទៅគ្រប់ប្រទេស

បានផុស

១២ ខែ មុន

នៅ

ថ្ងៃពុធ ១៨ មិថុនា ២០២៥

ដោយ

ចេកអំបូងលឿងខ្មែរដែលកំពុងដាំដុះលើផ្ទៃដីរាប់ពាន់ហិកតានៅក្នុងស្រុកស្ទឹងត្រង់ ខេត្តកំពង់ចាម ត្រូវបាននាំចេញទៅលក់នៅទីផ្សារក្រៅប្រទេសជាពិសេសទីផ្សារប្រទេសចិន និងជប៉ុន ដែលក្នុងមួយថ្ងៃមានចំនួនពី ៣ ទៅ ១០ កុងតឺន័រ។

ផ្តល់បទសម្ភាសន៍ដល់ក្រុមអ្នកសារព័ត៌មាន ក្នុងដំណើរទស្សនកិច្ចផ្សព្វផ្សាយពីសក្តដានុពលវិស័យកសិកម្មក្នុងខេត្តកំពង់ចាម អ្នកស្រី ហេង ដាវី ប្រធានគ្រប់គ្រងក្រុមហ៊ុន ឡុង ស្រេង ចម្ការចេកនៅក្នុងស្រុកស្ទឹងត្រង់បានគូសបញ្ជាក់ថា បច្ចុប្បន្នមានទីផ្សារប្រទេសធំពីរដែលក្រុមហ៊ុនបាននាំចេញមានទីផ្សារប្រទេសចិន និងជប៉ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រីបានលើកពីទីផ្សារប្រទេសជប៉ុន មុននាំចេញទៅបានមានការរិតបន្តឹងលើការអនុវត្តគោលការណ៍ស្តង់ដាសុវត្ថិភាពចំណីអាហារខ្ពស់បំផុត។ ដូច្នេះមានន័យថា ការដែលក្រុមហ៊ុនអាចនាំចេញចេកអំបូងលឿងទៅទីផ្សារប្រទេសជប៉ុនបាន ក៏អាចនាំចេញទៅគ្រប់ទីផ្សារប្រទេសផ្សេងទៀតនៅលើពិភពលោក។

ក្រុមហ៊ុន ឡុង ស្រេង ចម្ការចេក កំពុងវិនិយោគការដាំដុះចេកពូជអំបូងលឿងលើផ្ទៃដីប្រមាណ ២ ពាន់ហិកតានៅស្រុកស្ទឹងត្រង់ខេត្តកំពង់ចាម និងកំពុងពង្រីកការដាំដុះរាប់រយហិកតាថែមទៀត។

ពាក់ព័ន្ធការដាំដុះ និងខ្សែសង្វាក់ផលិតកម្មវេចខ្ចប់ ប្រធានគ្រប់គ្រងក្រុមហ៊ុន ឡុង ស្រេង ចម្ការចេក អ្នកស្រី ហេង ដាវី បានឲ្យដឹងថា ចេកអំបូងលឿងការដាំដុះត្រូវការរយៈពេលចំនួន ៩ ខែ ទើបអាចប្រមូលផលបាន ហើយការវេចខ្ចប់ក៏ឆ្លងកាត់ជាច្រើនដំណាក់កាលមុនបញ្ចេញលក់លើទីផ្សារ។

បើតាមអ្នកស្រី ហេង ដាវី ក្នុងមួយថ្ងៃក្រុមហ៊ុនត្រូវកាប់ចេកចេញពីចម្ការពី ៦ ទៅ ៧ ពាន់ស្និតដើម្បីវេចខ្ចប់នាំចេញ ដែលមួយថ្ងៃយ៉ាងហោចណាស់មានពី ៣ កុងតឺន័រ និងអាចឈានដល់ ១០ កុងតឺន័រនៅពេលមានតម្រូវការខ្ពស់ ដែលភាគច្រើននាំទៅទីផ្សារប្រទេសចិននិងជប៉ុន ខណៈទីផ្សារក្នុងស្រុកមានចំនួនតិចតួចបំផុត៕

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា