ព័ត៌មានអន្ដរជាតិ

ម្ចាស់ថ្លៃអើយ! អង់គ្លេសមនុស្សរាប់ពាន់នាក់ជួបជុំគ្នារីករាយចំថ្ងៃក្តៅបំផុត អត់ខ្លាចកូវីដ ទោះបំរាមត្រូវបានបន្ធូរខ្លះ

បានផុស

៥ years មុន

នៅ

ថ្ងៃពុធ ៣១ មីនា ២០២១

ដោយ

អ្នករស់នៅទីក្រុង Brighton បានសប្បាយរីករាយក្នុងពិធីជប់លៀងពេលរាត្រីនៅលើឆ្នេរខ្សាច់នៅថ្ងៃក្តៅបំផុតក្នុងខែមីនាដែលមានរយៈពេលជាងកន្លះសតវត្សរ៍ហើយកាលពីថ្ងៃអង្គារ បន្ទាប់ពីប៉ូលិសបានបង្ខំដាក់ដាក់បំរាមពិសាគ្រឿងស្រវឹងនៅឧទ្យាន Nottingham ដោយសារតែស្រវឹងជោកជាំខ្លាំងពេកកាលពីថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះជាបំរាមរឹតត្បិតត្រូវបានបន្ធួបន្ថយខ្លះទើបបានតែ៤៨ម៉ោង ក៏មនុស្សត្រូវបានកំណត់ថា ជួបជុំគ្នានៅខាងក្រៅមិនលើសពី៦នាក់ឡើយ។

ប៉ុន្តែមនុស្សជាច្រើនបានបង្ហាញខ្លួនក្នុងការប្រុងប្រយ័ត្ននៅពេលខ្យល់ដែលមានសីតុណ្ហភាព 75F (24C) ហើយតាមការសិក្សាបង្ហាញថា ប្រជាជននៅប្រទេសអង់គ្លេស៥៥%មានអង់ទីគ័រការពារកូវីដ-១៩ បន្ទាប់ពីចាក់វ៉ាក់សាំង។

រូបភាពបង្ហាញពីមនុស្សច្រើនកុះករនៅលើឆ្នេរខ្សាច់ ឧទ្យាន និងរាំរែកសប្បាយរីករាយនៅទីក្រុងផ្សេងៗដូចជា Leeds, Nottingham, Birmingham និង ទីក្រុងឡុងដ៍ ជាដើម។

ថ្ងៃពុធនេះ ការបោសសំអាតបានចាប់ផ្តើម បន្ទាប់ពីឧទ្យាន និងឆ្នេរខ្សាច់គ្របដណ្តប់ដោយសំរាមដូចប្លាស្ទិក ដប និងសម្ភារៈវិចខ្ចប់ផ្សេង ក្រោយពេលពិធីជប់លៀងពេលរាត្រីថ្ងៃអង្គារ។

កាលពីថ្ងៃអង្គារ មនុស្សបានប្រមូលផ្តុំជួបជុំគ្នា ស្ទើរទូទាំងប្រទេស បន្ទាប់ពីរដ្ឋលេខាធិការក្រសួងសុខាភិបាលលោក Matt Hancock បានសរសេរនៅលើ Tweet ឲ្យពលរដ្ឋអាចចេញសប្បាយរីករាយនឹងកម្តៅថ្ងៃ ប៉ុន្តែត្រូវការពារដើម្បីសុវត្ថិភាព។

សូមបញ្ជាក់ថា ចក្រភពអង់គ្លេសមានករណីឆ្លងកូវីដ-១៩ជាង ៤.៣៤លាននាក់ និងអ្នកស្លាប់ប្រមាណ១២៧ពាន់នាក់៕

ប្រែសម្រួល៖ វីរបុត្រ
ប្រភព៖ Dailymail

Related Topics:កូវីដ-១៩ ប្រទេសអង់គ្លស

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា