ព័ត៌មានអន្ដរជាតិ

ត្រាំ ប្រកាសថា បទឈប់បាញ់អ៊ីស្រាអែល-អ៊ីរ៉ង់ ចូលជាធរមានហើយ និងព្រមាន កុំបំពានឲ្យសោះ!

បានផុស

៨ នាទីutes មុន

នៅ

ថ្ងៃអង្គារ ២៤ មិថុនា ២០២៥

ដោយ

ប្រធានាធិបតីអាមេរិក ដូណាល់ ត្រាំ ប្រកាសថា ពេលនេះបទឈប់បាញ់អ៊ីស្រាអែល-អ៊ីរ៉ង់ បានចូលជាធរមានហើយ និងថែមទាំងព្រមានទៅគូជម្លោះទាំងពីរថា កុំបំពានបទឈប់បាញ់នេះឲ្យសោះ។

ប្រធានាធិបតីអាមេរិក ដូណាល់ ត្រាំ (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបង្ហោះសារនេះលើបណ្តាញសង្គម Truth Social នៅថ្ងៃអង្គារទី២៤ខែមិថុនាឆ្នាំ២០២៥ ដ្បិតមុននេះ ប្រទេសអ៊ីរ៉ង់ បានចេញមុខបដិសេធរួចហើយក៏ដោយ។

ទោះបីជាយ៉ាងណាក៏ដោយ ជុំវិញសេចក្តីប្រកាសចុងក្រោយរបស់លោកត្រាំនេះ រដ្ឋាភិបាលអ៊ីស្រាអែល បានចេញមកបញ្ជាក់ថា ខ្លួនយល់ព្រមហើយលើបទឈប់បាញ់របស់ប្រធានាធិបតីអាមេរិក ប៉ុន្តែព្រមានថា ខ្លួននឹងឆ្លើយតបដោយពេញទំហឹងតែម្តង បើអ៊ីរ៉ង់បំពាន។

រដ្ឋាភិបាលអ៊ីស្រាអែលនិយាយថា ខ្លួនបានយល់ព្រមចំពោះសំណើបទឈប់បាញ់បន្ទាប់ពី “សម្រេចបាននូវគោលបំណង” នៃការវាយប្រហាររបស់ខ្លួនលើប្រទេសអ៊ីរ៉ង់។

ប្រធានាធិបតីអាមេរិក ដូណាល់ ត្រាំ ជាមួយនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ (រូបថត៖ Reuters)

យោងតាមសេចក្តីថ្លែងការណ៍ពីរដ្ឋាភិបាលលោក បេនចាមីន ណេតាន់យ៉ាហ៊ូ, អ៊ីស្រាអែលឯកភាពលើកិច្ចព្រមព្រៀងនេះ បន្ទាប់ពីលុបបំបាត់ការគំរាមកំហែងពីអាវុធនុយក្លេអ៊ែរនិងមីស៊ីលផ្លោង របស់អ៊ីរ៉ង់បានដោយជោគជ័យ។ អ៊ីស្រាអែល បានបង្កការខូចខាតយ៉ាងធ្ងន់ធ្ងរដល់ថ្នាក់ដឹកនាំយោធា និងបានបំផ្លាញគោលដៅកណ្តាលរដ្ឋាភិបាលអ៊ីរ៉ង់រាប់សិបកន្លែង។

សូមជម្រាបថា បទឈប់បាញ់នេះនឹងអនុវត្តតាមដំណាក់កាល ពោលគឺ១២ម៉ោងដំបូងអ៊ីរ៉ង់ត្រូវផ្អាកបាញ់មុន ខណៈអ៊ីស្រាអែលត្រូវនៅស្ងៀម ហើយ១២ម៉ោងក្រោយអ៊ីស្រាអែលត្រូវផ្អាកបាញ់ម្តង។ លុះសរុបចូលគ្នាបាន២៤ម៉ោង បើភាគីទាំងពីរធ្វើបាន នោះសង្គ្រាមនេះនឹងបញ្ចប់ជាផ្លូវការ៕

អត្ថបទ៖ សុខ សុវណ្ណ

ចុចអាន៖ ត្រាំ ប្រកាសថា អ៊ីស្រាអែល-អ៊ីរ៉ង់ យល់ព្រមលើឈប់បាញ់ហើយ តែទីក្រុងតេហេរ៉ង់ ថា មិនពិត