នយោបាយ
សម្ដេចតេជោតបទៅសារព័ត៌មានថៃមួយថា «បើឆ្កួតសូមឆ្កួតតែពួកអ្នកឯងទៅ»
ប្រធានព្រឹទ្ធសភា សម្ដេចតេជោ ហ៊ុន សែន បានឆ្លើយតបទៅកាសែតថែមួយដែលសរសេរថាសម្ដេចបានដកអគ្គបញ្ជាការទ័ពនិងតែងតាំងខ្លួនឯង គឺជាការសរសេរឆ្កួតលាលី និងថា «បើឆ្កួតសូមឆ្កួតតែពួកអ្នកឯងចុះ»។
សរសេរនៅលើបណ្ដាញសង្គមសម្ដេចនៅល្ងាចថ្ងៃទី២៦ ខែមិថុនា ឆ្នាំ២០២៥នេះ នាយឧត្តមសេនីយ៍ផ្កាយមាស៥ផុតលេខ សម្ដេចតេជោ ហ៊ុន សែន បញ្ជាក់ថាសម្ដេចមិនមានការចាំបាច់ទាល់តែសោះទៅធ្វើជាអគ្គបញ្ជាការទ័ព ខណៈដែលសម្ដេចជាមនុស្សទី២ នៅកម្ពុជាបន្ទាប់ពីព្រះមហាក្សត្រនោះ។
សម្ដេចបានឆ្លើយតបទៅនឹងសារព័ត៌មានថៃមួយដែលចុះផ្សាយថាសម្ដេចបានដកអគ្គបញ្ជាការកងទ័ពហើយតែងតាំងខ្លួនជាអគ្គបញ្ជាកងទ័ពដើម្បីត្រៀមវាយថៃថា៖ «ខ្ញុំសូមផ្ដាំទៅវិញថាបើឆ្កួតសូមឆ្កួតតែពួកអ្នកឯងចុះ»។
ទោះជាយ៉ាងណាសម្ដេចមិនបានបញ្ជេញថាសារព័ត៌មានថៃនោះឈ្មោះអ្វីនោះទេ ខណៈសម្ដេចក៏ផ្ដាំទៅក្រុមជ្រុលនិយមថៃឈប់ចូលមកឈ្លានពាន Facebook សម្ដេចផងដែរ។
ការលើកឡើងនេះក្នុងពេលដែលសម្ដេចតេជោចុះសួរសុខទុក្ខកងទ័ពមន្ត្រីរាជការនិងប្រជាជនភៀសសឹកនៅខេត្តឧត្តរមានជ័យនិងខេត្តព្រះវិហារនៅថ្ងៃទី២៦ ខែមិថុនានេះ។ សម្ដេចបញ្ជាក់ថាវត្តមានរបស់សម្ដេចមិនមកចេញបញ្ជាជំនួសឲ្យនាយករដ្ឋមន្ត្រីឬរដ្ឋមន្ត្រីក្រសួងការពារជាតិឬអគ្គបញ្ជាការកងទ័ពនោះឡើយតែជាការមកសួរសុខទុកលើកទឹកចិត្តនិងផ្តល់ជំនួយសម្រាប់កងកម្លាំងប្រដាប់អាវុធដែលកំពុងការពារជាតិការទឹកដី។
ក្នុងឱកាសនោះសម្ដេចក៏ទទួលយកតាមសំណើរបស់មេបញ្ជាការទាំងឡាយ នូវភារកិច្ចជា «អគ្គភស្ដភារជាន់ខ្ពស់» សម្រាប់ធានានូវការផ្គត់ផ្គង់ដល់កងកម្លាំងរបស់កម្ពុជាដែលកំពុងតែប្រឈមមុខជាមួយនឹងសត្រូវផងដែរ។
សម្ដេចថា៖ «ខ្ញុំពេញចិត្តនិងធ្វើកិច្ចការជួយលើការផ្តល់ភស្តុភារបន្ថែមលើភស្តុភារដែលរាជរដ្ឋាភិបាលផ្តល់ជូន។ មុខនាទីនេះមិនតម្រូវឲ្យមានការតែងតាំងនោះទេព្រោះជាពាក្យនិយាយលេង»៕
អត្ថបទដោយ៖ ហ៊ុន សិរីវឌ្ឍន៍
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS