សន្តិសុខសង្គម

សមត្ថកិច្ចសំរោងក្រោម ប្រកាសរកម្ចាស់គោដែលត្រូវជនសង្ស័យលួចបាន

បានផុស

៣ ម៉ោង មុន

នៅ

ថ្ងៃសុក្រ ៤ កក្កដា ២០២៥

ដោយ

កម្លាំងសមត្ថកិច្ចកំពុងល្បាត ក៏ប្រទះឃើញជនសង្ស័យមួយក្រុមមានគ្នា ៣ នាក់ កំពុងដឹកសត្វគោមួយក្បាលដែលលួចពីប្រជាពលរដ្ឋ ព្យាយាមបើករត់ ទុករ៉ឺម៉កចោល ហើយគេចខ្លួនបាត់ ពេលនេះសមត្ថកិច្ចប្រកាសរកម្ចាស់គោមកទទួល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ២ និង ១០ នាទី រំលងអធ្រាត្រឈានចូលថ្ងៃទី ៤ ខែកក្កដា ឆ្នាំ ២០២៥ ស្ថិតក្នុងដីឡូត៍មួយកន្លែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

សមត្ថកិច្ចបានឲ្យដឹងថា មុនពេលកើតហេតុកម្លាំងប៉ុស្តិ៍នគរបាលសំរោងក្រោមបានចុះល្បាតក្នុងមូលដ្ឋាន ដើម្បីទប់ស្កាត់បទល្មើសផ្សេងៗ ខណៈកំពុងល្បាតតាមផ្លូវ ស្រាប់តែប្រទះឃើញរ៉ឺម៉កមួយគ្រឿងគ្របតង់កៅស៊ូជិតមានគ្នា ៣ នាក់ ពេលនោះក៏ហៅឈប់ត្រួតពិនិត្យ ភ្លាមនោះ ម៉ូតូសណ្ដោងរ៉ឺម៉កមិនបានឈប់នោះទេ ក៏បន្ថែមល្បឿនព្យាយាមគេចខ្លួន។

សមត្ថកិច្ចបន្តថា ភ្លាមនោះកម្លាំងសមត្ថកិច្ចក៏ប្រដេញតាម ត្រូវជនសង្ស័យទាំងនោះបើករ៉ឺម៉កចូលក្នុងដីឡូត៍មួយកន្លែង ទុករ៉ឺម៉កចោល រួចរត់គេចខ្លួនចូលក្នុងទឹកអស់។ បន្ទាប់មកឆែកឆេរលើរ៉ឺម៉ក ក៏ឃើញសត្វគោមួយក្បាលដែលជនសង្ស័យលួចពីប្រជាពលរដ្ឋ។