ខេម ដឹកនាំក្រុមបាល់ទាត់តារាកម្ពុជា សួរសុខទុក្ខ និងផ្តល់កម្លាំងចិត្តដល់វីរកងទ័ពឈរជើងក្នុងខេត្តព្រះវិហារ

តារាចម្រៀងសំឡេងស្អកលោក ប៉ុន សុណារិន ហៅ ខេម ក្នុងនាមជាប្រធានក្រុមបាល់ទាត់តារាកម្ពុជា បានដឹកនាំក្រុមការងារ និងសមាជិកក្រុមបាល់ទាត់តារាកម្ពុជា ចុះទៅសួរសុខទុក្ខ និងលើកទឹកចិត្តដល់វីរកងទ័ពរបស់កម្ពុជា ដែលកំពុងឈរជើងការពារបូរណភាពទឹកដីដ៏អង់អាចក្លាហាន នៅតំបន់ប្រាសាទព្រះវិហារ។

ដំណើរដឹកនាំក្រុមចុះទៅផ្តល់កម្លាំងចិត្តដល់វីរកងទ័ពរបស់កម្ពុជា នៅតាមបន្ទាន់ព្រំដែន ពីសំណាក់កំពូលតារាចម្រៀងលោក ខេម បានធ្វើឡើងកាលពីថ្ងៃទី០៣ ខែកក្កដា ឆ្នាំ២០២៥ ម្សិលមិញ ក្នុងស្មារតីសាមគ្គីរួមគ្នា ជាធ្លុងមួយរវាងសមរភូមិមុខនិងសមរភូមិក្រោយ។

តាមរយ:សកម្មភាពនេះ បានបញ្ជាក់ឱ្យឃើញថា ទឹកចិត្តរបស់ប្រជាជនខ្មែរទាំងអស់ព្រមទាំងសិល្បករសិល្បការិនី បានបង្ហាញនូវឆន្ទ:ស្នេហាជាតិ ក្នុងន័យនេះ គឺចង់បញ្ជាក់ពីក្តីគោរពស្រលាញ់សាមគ្គីភាពរួមគ្នាជាធ្លុងមួយ ក្នុងនាមខ្មែរតែមួយ ខណ:ដែលកាលះបង់ការតស៊ូរបស់ថ្នាក់ដឹកនាំ និងវីរកងទ័ពទាំងអស់ ពិតមានទំហំធំធេងណាស់ក្នុងការលះបង់ ដើម្បីការពារជាតិមាតុភូមិកម្ពុជា។

ជាការកត់សម្គាល់ មួយរយ:នេះ សង្កេតឃើញមានអ្នកសិល្ប: និងមហាជនខ្មែរមួយចំនួនធំ បានចូលរួមសកម្មភាពលើកទឹកចិត្ត និងឧបត្ថម្ភស្បៀងអាហារ គ្រឿងឧបភោគបរិភោគដល់វីរកងទ័ពរបស់ខ្មែរ ដែលកំពុងឈរជើងនៅតាមបន្ទាត់ព្រំដែន ខណ:​សកម្មភាពនេះបង្ហាញពីការសាមគ្គីការពារ​ទឹកដី​ក្នុង​នាម​ជា​កូន​ខ្មែរ៕ ចាន់រ៉ា