ព័ត៌មានអន្ដរជាតិ
តម្លៃផ្លែឈើវៀតណាម ទុរេន គូលេន សាវម៉ាវ ធ្លាក់ចុះខ្លាំង បង្កកង្វល់ដល់ពលរដ្ឋ
កាសែតវៀតណាម Viet Nam News បានរាយការណ៍កាលពីថ្ងៃពុធថា តម្លៃផ្លែឈើវៀតណាម ដូចជាទុរេន គូលេន និងសាវម៉ាវជាដើមនោះ បានធ្លាក់ចុះខ្លាំងទូទាំងប្រទេសដោយសារតែការផ្គត់ផ្គង់ច្រើន ប៉ុន្តែតម្រូវការទីផ្សារខ្សោយ ដែលបង្កជាកង្វល់សម្រាប់ពលរដ្ឋនៅរដូវប្រមូលផលធំឆ្នាំនេះ។
អាជីវករលក់ផ្លែឈើនៅផ្សារមួយកន្លែងក្នុងទីក្រុងហូជីមិញ បានប្រាប់ Viet Nam News ថា ទោះបីរដូវផ្លែគូលេនជិតចប់ទៅហើយក្ដី ការផ្គត់ផ្គង់នៅមានច្រើន ហើយតម្លៃបានធ្លាក់ចុះដល់កម្រិតទាបបំផុតក្នុងរយៈពេលប៉ុន្មានឆ្នាំមកនេះ។
អាជីវករដដែលបានឱ្យដឹងថា តម្លៃគូលេនឆ្នាំនេះ លក់បានត្រឹម ២៥ ០០០ ដុង (០,៩៥ ដុល្លារ)/គីឡូក្រាម ធៀបនឹងតម្លៃឆ្នាំមុន ប្រមាណ ៦០ ០០០ – ៧០ ០០០ ដុង (២,២៩-២,៦៧ ដុល្លារ)/គីឡូក្រាម។
ការធ្លាក់ចុះនៃតម្លៃគូលេនក្នុងស្ថានភាពដូចនេះ ក៏ត្រូវបានរាយការណ៍នៅតំបន់ភាគខាងជើងនៃប្រទេសវៀតណាមផងដែរ ដែលធ្វើឱ្យប្រាក់ចំណេញពីការលក់ផ្លែគូលេនរបស់អាជីវករ និងកសិករធ្លាក់ចុះខ្លាំង។
កាសែត Viet Nam News ក៏បានរាយការណ៍ទៀតថា តម្លៃទុរេនលក់រាយនៅទីក្រុងហូជីមិញ បានធ្លាក់ចុះប្រមាណពី ៣០-៣៥ ភាគរយ ធៀបនឹងឆ្នាំមុន។ ទុរេនប្រភេទ Ri6 លក់បានតម្លៃទាបពី ៤០ ០០០ – ៦៥ ០០០ ដុង/គីឡូក្រាម ខណៈទុរេនពូជថៃ លក់បានចន្លោះពី ៦៥ ០០០ – ៨០ ០០០ ដុង/គីឡូក្រាម។ តម្លៃទុរេននៅតំបន់ដីសណ្តទន្លេមេគង្គវិញ កាន់តែទាបជាងនេះទៀត។
តម្លៃផ្លែឈើវៀតណាមផ្សេងៗក៏ធ្លាក់ថ្លៃផងដែរ ដូចជាសាវម៉ាវ ប័រ និងក្រូច ដែលបង្កជាក្ដីបារម្ភសម្រាប់កសិករ។ សមាគមបន្លែ និងផ្លែឈើវៀតណាម បាននិយាយថា ផ្លែឈើសំខាន់ៗដូចជា ទុរេន គូលេន និងសាវម៉ាវ មានរដូវល្អឆ្នាំនេះ ដោយផ្លែគូលេននៅវៀតណាម រំពឹងថាប្រមូលផលសរុបបានជាង ៣០០ ០០០ តោន ឆ្នាំនេះ។
សមាគមពន្យល់ថា ការធ្លាក់ចុះនៃតម្លៃ គឺដោយសារតែតម្រូវការក្នុងស្រុកធ្លាក់ចុះចំពេលដែលការផ្គត់ផ្គង់ច្រើន ហើយការនាំចេញក៏មិនសូវអំណោយផល ដោយសារតែកត្តាផ្សេងៗ រួមទាំងការរឹតបន្តឹងការត្រួតពិនិត្យផ្លែទុរេននាំចូលរបស់ចិន និងការប្រកួតប្រជែងនៃផ្លែឈើត្រូពិកផ្សេងៗពីប្រទេសដទៃជាដើម៕
តម្លៃផ្លែឈើវៀតណាម ទុរេន គូលេន សាវម៉ាវ ធ្លាក់ចុះខ្លាំង បង្កកង្វល់ដល់ពលរដ្ឋ
ថៃអាចខាតលុយជាង ២៧ពាន់លានដុល្លារ បើពន្ធ ៣៦% របស់អាមេរិកចូលជាធរមាន
ការដោះដូរ សារ ទី និង លឹម ពិសុទ្ធ បង្កការភ្ញាក់ផ្អើលជាថ្មី
ក្រុមបាល់ទះកម្ពុជា ប៉ះ វៀតណាម រសៀលថ្ងៃនេះ នៅហ្វីលីពីន
មេធំល្បែងអនឡាញចាប់បាននៅថៃ ជាបណ្តាញលាងលុយកខ្វក់ មានលំហូរប្រាក់ប្រចាំឆ្នាំជាង ៣៥០ លានដុល្លារ
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
បណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
ថៃដករូបព្រះពុទ្ធពីព្រំដែនអានសេះយកទៅដាក់ក្នុងបន្ទាយវិញក្រោយឈ្លោះគ្នាជាមួយខ្មែរ
មន្ទីរអប់រំខេត្តតាកែវ និងវិទ្យាល័យ ជាស៊ីម តាកែវ កំពុងមានភាពចម្រូងចម្រាស់រឿងបែងចែកដីកាន់កាប់
ជម្លោះផ្ទៃក្នុងថៃ! Paetongtarn បន្ទោស Anutin ថា ប្រទេសគ្មានសុវត្ថិភាព ទើបទេសចរធ្លាក់ចុះ
-
ព័ត៌មានអន្ដរជាតិ៦ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៥ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ១៦ ម៉ោង agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៦ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ១ សប្តាហ៍ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ២ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា