កីឡា

ក្រុមកីឡារាំកម្ពុជា ឈ្នះមេដាយសរុប ១៨គ្រឿងនៅព្រឹត្តិការណ៍ជើងឯកអាស៊ី និងអាស៊ីអាគ្នេយ៍នៅវៀតណាម

បានផុស

១ year មុន

នៅ

ថ្ងៃចន្ទ ១៤ កក្កដា ២០២៥

ដោយ

បន្ទាប់ពីពីចូលរួមការប្រកួតអស់រយៈពេល ៥ថ្ងៃកន្លងទៅនេះក្រុមកីឡាករ កីឡាការិនីជម្រើសជាតិ នៃសហព័ន្ធកីឡារាំកម្ពុជាបានដណ្ដើមមេដាយបានសរុប ១៨គ្រឿង មាស៣ ប្រាក់៤ សំរឹទ្ធ១១ គ្រឿង ក្នុងព្រឹត្តិការណ៍ជ្រើសរើសជើងឯកអាស៊ី និងអាស៊ីអាគ្នេយ៍ នៅប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកម្ពុជាពេលបំពាក់មេដាយ

នេះបើតាមការឲ្យដឹងពីលោកស្រី ហង់ ស៊ីមន អគ្គលេខាធិការសហព័ន្ធនៅមុននេះថា ក្រុមកីឡាករ កីឡាការិនីកម្ពុជាបានបញ្ចប់ការប្រកួតជាផ្លូវការហើយនៅថ្ងៃទី១៣ ខែកក្កដា ឆ្នាំ២០២៥ នេះឯប្រទេសវៀតណាម។ ដោយឡែកចំពោះលទ្ធផលជាមោទកភាពកម្ពុជាដណ្ដើមបានមេដាយសរុប ១៨គ្រឿង។

ក្រុមកម្ពុជាពេលបំពាក់មេដាយ

កីឡាករ កីឡាការិនីដែលឈ្នះមេដាយទាំងនោះរួមមាន៖

១ កីឡាការិនី សាន រ៉ូហ្សា ឈ្នះមេដាយមាស ១ សំរឺទ្ធ ២

២ កីឡាការិនី ឱ រក្សា ឈ្នះមេដាយមាស ១ សំរឹទ្ធ ១

៣ កីឡាករ សេង សុខគីម ឈ្នះមេដាយមាស ១

៤ កីឡាការិនី ម៉ូវ ដានីតា ឈ្នះមេដាយប្រាក់ ១ សំរឹទ្ធ ១

៥ កីឡាករ ជុំ លីហៀង ឈ្នះមេដាយប្រាក់ ១ សំរឹទ្ធ ១

៦ កីឡាករ តុន ស៊ីវុត្រា ឈ្នះមេដាយសំរឹទ្ធ ១

៧ កីឡាការិនី ឱ រចនី ឈ្នះមេដាយប្រាក់ ១ សំរឹទ្ធ ១

៨ កីឡាករ សេង សុគីម និង កីឡាការិនី ម៉ូវ ដានីតា ឈ្នះមេដាយប្រាក់ ១ សំរឹទ្ធ ២

៩ កីឡាករ ជុំ លីហៀង និងកីឡាការិនី ឱ រក្សា ឈ្នះមេដាយសំរឹទ្ធ ២

ក្រុមកម្ពុជាពេលបំពាក់មេដាយ

បញ្ជាក់ដែរថា ក្នុងព្រឹត្តិការណ៍ប្រកួតជ្រើសរើសជើងឯកអាស៊ី និងអាស៊ីអាគ្នេយ៍ (WDSF- Asian South East Asian Championship 2025) នៅវៀតណាម នេះកម្ពុជាបញ្ជូនប្រតិភូ គ្រូបង្វឹក កីឡាករ កីឡាការិនីសរុប ២០នាក់។ ក្រុមកម្ពុជានឹងវិលត្រឡប់មកដល់មាតុភូមិវិញនៅម៉ោង ៧យប់នេះតាមរថយន្ត៕