ថៃលេងល្បិចថ្មី នៅប្រាសាទតាមាន់ធំ ដើម្បីបោកអន្តរជាតិ

ពេលនេះប្រទេសថៃ បានប្រើល្បិចថ្មីទៀតហើយ ដោយឲ្យទេសចរខ្លួនស្លៀកពាក់ឈុតថៃនៅប្រាសាទតាមាន់ធំរបស់ខ្មែរ ដើម្បីបោកអន្តរជាតិថា ប្រាសាទនោះគឺជារបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីថៃឈ្មោះ Ekanan Si-in អះអាងកាលពីថ្ងៃអង្គារទី២២ខែកក្កដាឆ្នាំ២០២៥ថា ការស្លៀកបែបនេះនឹងជួយបន្ធូរបន្ថយភាពតានតឹង។ មិនត្រឹមប៉ុណ្ណឹងមន្ត្រីរូបនេះ ថែមទាំងនិយាយដោយមិនខ្មាសមាត់ថា ជនជាតិកម្ពុជាក៏អាចស្លៀកឈុតនេះបានដែរ។ 

នេះគឺជាវិធីសាស្រ្តដ៏ស្មោកគ្រោកថ្មីទៀតហើយរបស់ថៃ ដោយពួកគេឲ្យទេសចរស្លៀកឈុតបែបនេះ និ​ងជំរុញឲ្យបន្តស្លៀកឈុតមកលេងប្រាសាទកាន់តែច្រើនបន្តទៀត ដើម្បីផ្តិតយករូបភាព បង្ហោះចេញតា​មប្រព័ន្ធផ្សព្វផ្សាយសង្គម បោកបញ្ឆោតភ្នែកអន្តរជាតិ ទាំងដែលប្រាសាទតាមាន់ធំគឺជារបស់ខ្មែរសោះ។

ថៃដេកភ័យហើយនឹកឃើញល្បិចនេះ បន្ទាប់ពីឃើញសន្ទុះទេសចរខ្មែរ ទៅលេងប្រាសាទតាមាន់ធំច្រើនហួសប្រមាណ។ មុននេះដែរ ថៃយកលេសថា ខ្លាចទេសចរខ្មែរធ្វើសកម្មភាពមិនសមរម្យបង្កើនភាពតានតឹងរវាងប្រទេសទាំងពីរ ដើម្បីបង្កើនកម្លាំងសន្តិសុខនៅតាមខេត្តចំនួន៤ជាប់ព្រំដែន។

ស្នងការនគរបាលភូមិភាគ៣លោក Watana Yijean ចេញបញ្ជាឲ្យចាត់វិធានការនិងពង្រឹងកម្លាំងនៅតាមខេត្ត Surin, Buri Ram, Si Sa Ket និង Ubon Ratchathani ដូចជាការបង្កើតប៉ុស្តិ៍ត្រួតពិនិត្យ២៤ម៉ោងលើ២៤ម៉ោងរៀលរាល់ថ្ងៃ បំពាក់កាមេរ៉ាសុវត្ថិភាពនិងបង្ហោះដ្រូន និងការល្បាតនៅតាមភូមិ សាលារៀន មន្ទីរពេទ្យនិងអគាររដ្ឋាភិបាលជាដើម។

ក្រោយមកទៀត មេភូមិភាគ២ថៃ Boonsin Padklang កាន់តែគឃ្លើន ដោយហ៊ានគំរាមបិទការចូលទស្សនាប្រាសាទតាមាន់ធំរយៈពេល៧ថ្ងៃ ក្រោមលេស ទេសចរបង្កភាពអាណាធិបតេយ្យទាំងដែលប្រាសាទគឺជារបស់ខ្មែរសោះ។

នេះគឺជាពាក្យសម្តីដ៏ព្រហើនរបស់មេទ័ពថៃ និងការនិយាយទាំងមិនចេះខ្មាសមាត់ ព្រោះតែតាមាន់ធំគឺជាប្រាសាទនៅក្នុងដែនអធិបតេយ្យរបស់កម្ពុជា រឿងអីថៃមានសិទ្ធិមកគំរាមដូច្នេះ៕

អត្ថបទ៖ សុខ សុវណ្ណ

ចុចអាន៖ ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?