ព័ត៌មានអន្ដរជាតិ
អង់គ្លេស នឹងទទួលស្គាល់រដ្ឋប៉ាឡេស្ទីន បើអ៊ីស្រាអែលមិនយល់ព្រមបទឈប់បាញ់នៅហ្គាហ្សា
នាយករដ្ឋមន្ត្រីអង់គ្លេស Keir Starmer បានប្រកាសថា ចក្រភពអង់គ្លេសនឹងទទួលស្គាល់រដ្ឋប៉ាឡេស្ទីននាខែកញ្ញាខាងមុខ លុះត្រាណាតែអ៊ីស្រាអែលយល់ព្រមលើបទឈប់បាញ់ និងចាត់វិធានការជាបន្ទាន់ដើម្បីដោះស្រាយវិបត្តិមនុស្សធម៌នៅតំបន់ហ្គាហ្សា។
ថ្លែងនៅមុនមហាសន្និបាតអង្គការសហប្រជាជាតិក្នុងខែកញ្ញា លោក Starmer បាននិយាយកាលពីថ្ងៃទី២៩កក្កដាថា ចក្រភពអង់គ្លេសបានត្រៀមខ្លួនជាស្រេច ក្នុងការធ្វើឲ្យមានការទទួលស្គាល់ជាផ្លូវការនូវរដ្ឋប៉ាឡេស្ទីន ប្រសិនបើអ៊ីស្រាអែលបរាជ័យក្នុងការបំពេញលក្ខខណ្ឌសំខាន់ៗ ដូចជា៖
- ការប្រកាសបទឈប់បាញ់ជាបន្ទាន់នៅហ្គាហ្សា
- ការអនុញ្ញាតឲ្យមានដំណើរការមនុស្សធម៌ពេញលេញសម្រាប់អង្គការជំនួយនៅហ្គាហ្សា
- ការប្ដេជ្ញាបញ្ឈប់ការកាត់បញ្ចូលតំបន់ West Bank ជាឧបសម្ព័ន្ធ
- ការបង្ហាញពីជំហានច្បាស់លាស់ឆ្ពោះទៅរកការរស់ឡើងវិញនូវដំណើរការសន្តិភាពចំពោះដំណោះស្រាយរដ្ឋពីរ។
លោក Starmer បានលើកឡើងថា «ប្រជាជនប៉ាឡេស្ទីនមានសិទ្ធិក្នុងភាពជារដ្ឋ នេះមិនមែនជាការចរចាទេ។ ប៉ុន្តែសន្តិភាពទាមទារឲ្យមានសកម្មភាពពីគ្រប់ភាគី។ ប្រសិនបើអ៊ីស្រាអែលមិនឆ្លើយតបទេ ចក្រភពអង់គ្លេសនឹងឆ្ពោះទៅមុខដោយមានការទទួលស្គាល់(រដ្ឋប៉ាឡេស្ទីន)»។
មន្ត្រីអ៊ីស្រាអែលបានថ្កោលទោសភ្លាមៗចំពោះជំហររបស់ចក្រភពអង់គ្លេស ដោយហៅវាថាជា«រង្វាន់ដ៏គ្រោះថ្នាក់សម្រាប់អំពើភេរវកម្ម»។ ក្រសួងការបរទេសអ៊ីស្រាអែល បានថ្លែងថា ទង្វើនេះនឹងធ្វើឲ្យខូចដល់កិច្ចខិតខំប្រឹងប្រែងដើម្បីដោះលែងចំណាប់ខ្មាំង និងទទួលបានបទឈប់បាញ់យូរអង្វែង។
ចំណែកឯប្រធានាធិបតីអាមេរិក លោក ដូណាល់ ត្រាំ ក៏បានរិះគន់ការសម្រេចចិត្តរបស់អង់គ្លេសផងដែរ ដោយព្រមានថា វាអាចពង្រឹងសមត្ថភាពក្រុមហាម៉ាស និងធ្វើឲ្យមានអស្ថិរភាពក្នុងតំបន់បន្ថែមទៀត។
សូមជម្រាបថា ក្រៅតែពីចក្រភពអង់គ្លេស បារាំងក៏បានបង្ហាញចេតនាទទួលស្គាល់រដ្ឋប៉ាឡេស្ទីនផងដែរ បើគ្មានការរីកចម្រើនត្រូវបានធ្វើឡើង។ រដ្ឋមន្ត្រីការបរទេសបារាំងលោក Jean-Noël Barrot បានស្វាគមន៍ជំហររបស់អង់គ្លេស ដោយចាត់ទុកថាជា«ជំហានដ៏សំខាន់ឆ្ពោះទៅរកសន្តិភាពរយៈពេលវែង»៕
ដោយ៖ ឈាង
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ